Ardager brıtandyq jýrnalıst jáne Brazılııanyń baıyrǵy halqyn zertteıtin sarapshy Amazonkanyń qıyr batysyndaǵy shalǵaıda Djavarı ańǵarynda joǵalyp ketti, dep habarlaıdy Egemen.kz.
Jergilikti halyqtardy úılestirý uıymynyń málimetinshe, jýrnalıst Dom Fıllıps pen Brazılııanyń jergilikti halyqtar ulttyq qorynyń demalysta júrgen qyzmetkeri Brýno Araýjo Pereıra 30 saǵattan astam ýaqyt boıy habarsyz ketken.
UNIVAJA dep atalatyn uıym spýtnıktik aqparatqa sáıkes, erli-zaıyptylar jeksenbi kúni tańerteń San-Rafael qaýymdastyǵynda bolǵan. Olar jergilikti kóshbasshymen kezdesýi kerek bolǵan kórinedi. Budan soń, olar Atalaııa-dý-Nortege eki saǵattyq sapar jasaýdy josparlaǵan. Fıllıps pen Pereırany izdeý jalǵasýda. Brazılııanyń federaldy prokýratýrasy men federaldy polısııasy joǵalǵandardy tekserip jatyr. Sonymen qatar shtattyń teńiz floty men áskerı polısııasy da izdeýge qatysýda.
Amazonas shtatynyń gýbernatory Ýılson Lıma izdestirý-qutqarý jumystaryn kúsheıtý úshin arnaıy polısııa bólimshelerin jiberýge buıryq berdi. Bul aımaq úkimettiń qorǵaýynda. Biraq munda zańsyz kenshiler men zańsyz ańshylardyń birneshe qandy oqıǵasy bolǵan.
Brazılııa prokýrorlarynyń aıtýynsha, 2019 jyldyń qyrkúıeginde taǵy bir jergilikti halyq isteri jónindegi ofıser Maksıel Pereıra dos Santos sol aımaqta óltirilgen.Fıllıps Ulybrıtanııa azamaty bolǵandyqtan Brıtan keńesi Brazılııa bıligimen baılanysta.
«Brazılııa azamatynyń Amazonka aımaǵynda joǵalyp ketkeni týraly habardan keıin biz Brazılııadaǵy jergilikti bılikpen baılanystamyz. Biz onyń otbasyna konsýldyq qoldaý kórsetip jatyrmyz», dedi Brıtan keńesiniń qyzmetkeri Dıego Lobo.
Gúldana Elýbaı