Qazaqstan reformalardy qoldaıdy

Olar Nursultan Nazarbaevtyń el­degi otyz jyldyq bıligin toqtatty deli­netin konstıtýsııalyq túzetýlerdi ma­qul­dady. Ortalyq referendým ko­mıssııasynyń tóraǵasy Nurlan Ábdirov saılaýshylardyń 77,17 pa­ıyzy reformany qoldasa, 18,66 pa­ıyzy qarsy daýys bergenin aıtty. Ábdirovtiń aıtýynsha, jeksenbi kúni ótken referendýmǵa saılaýshylardyń 68 paıyzdan astamy qatysqan, ıaǵnı saılaýshylardyń jartysynan astamy daýys bergen. Erejeler plebıssıttiń jaramdy dep tanylýy úshin oǵan tirkelgen saılaýshylardyń kem degende jartysy qatysýy kerek dep belgiledi. «Referendým ótti dep sanaý­ǵa bolady», dedi Ábdirov.

Referendýmda usynylǵan ózgerister zań shyǵarýshylarǵa ókilettik berip, qazirgi «sýperprezıdenttik» júıeni joıady. Reforma N.Nazarbaevty bir­qatar artyqshylyqtan da aıyrady. El Prezıdenti Q.Toqaev referendým «Ekinshi Respýblıkanyń negizin qalaýǵa» baǵyttalǵanyn aıtqan bolatyn.

N.Nazarbaevtyń «Elbasy» nemese «Ult ákesi» ataǵynan aıyry­lyp qalý qaýpi bar. Burynǵy keńestik mem­leketti otyz jylǵa jýyq bas­qarǵan 81 jastaǵy qarııa 2019 jyly bılikten ketkennen keıin de eldiń saıa­sı yqpalyn nyǵaıtýǵa kómektesip, bul tıtýldy saqtap qaldy. Munaıǵa baı eldegi taǵy bir daýly másele – reformalar prezıdent týystarynyń memlekettik qyzmette jumys isteýine de tyıym salady. Olar sondaı-aq el parlamentiniń rólin aıtarlyqtaı kúsheıtedi, Konstıtýsııalyq sotty qalpyna keltiredi, ólim jazasyn alyp tastaıdy.