2014 jylǵy 19 aqpan Astana, Úkimet Úıi
«Syıǵa tartý sharty boıynsha memlekettiń múlik quqyǵyna ıe bolý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 28 qyrkúıektegi № 1103 qaýlysyna ózgerister men tolyqtyrý engizý týraly
Qazaqstan Respýblıkasynyń Úkimeti qaýly etedi:
1. «Syıǵa tartý sharty boıynsha memlekettiń múlik quqyǵyna ıe bolý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 28 qyrkúıektegi № 1103 qaýlysyna (Qazaqstan Respýblıkasynyń PÚAJ-y, 2011 j., № 55, 784-qujat) mynadaı ózgerister men tolyqtyrý engizilsin:
kórsetilgen qaýlymen bekitilgen Syıǵa tartý sharty boıynsha memlekettiń múlik quqyǵyna ıe bolý qaǵıdasynda:
7, 19-tarmaqtar mynadaı redaksııada jazylsyn:
«7. Múlik respýblıkalyq nemese kommýnaldyq menshikke qabyldanady.
Oryndy bolǵan jaǵdaıda, aksıonerlik qoǵamdardyń aksııalary men jaýapkershiligi shekteýli seriktestikterdiń jarǵylyq kapıtalyndaǵy qatysý úlesterin qospaǵanda, memlekettik emes zańdy jáne jeke tulǵalardyń respýblıkalyq menshikke beriletin múlki boıynsha syıǵa tartý shartyn jasasý týraly sheshimdi memlekettik múlik jónindegi ýákiletti organ qabyldaıdy.
Bul rette, eger aksıonerlik qoǵamdardyń aksııalary men jaýapkershiligi shekteýli seriktestikterdiń jarǵylyq kapıtalyndaǵy qatysý úlesterin qospaǵanda, memlekettik emes zańdy jáne jeke tulǵalar múlkiniń quny aılyq eseptik kórsetkishtiń 30000 eselengen mólsherinen artyq bolǵan jaǵdaıda, Qazaqstan Respýblıkasy Úkimetiniń kelisimi qajet.
Memlekettik emes zańdy jáne jeke tulǵalarǵa tıesili, respýblıkalyq menshikke beriletin aksıonerlik qoǵamdardyń aksııalary men jaýapkershiligi shekteýli seriktestikterdiń jarǵylyq kapıtalyndaǵy qatysý úlesterin syıǵa tartý sharty boıynsha alý týraly sheshimdi Qazaqstan Respýblıkasynyń Úkimeti qabyldaıdy.
Kommýnaldyq menshikke beriletin memlekettik emes zańdy jáne jeke tulǵalardyń múlki boıynsha syıǵa tartý shartyn jasasý týraly sheshimdi jergilikti atqarýshy organdar qabyldaıdy.
Syıǵa tartý sharty boıynsha múlikti bolashaqta memlekettik menshikke qabyldaý týraly sheshim osy Qaǵıdanyń 3-taraýynda kózdelgen erekshelikter eskerile otyryp qabyldanady.»;
«19. Oryndy bolǵan jaǵdaıda aksıonerlik qoǵamdardyń aksııalary men jaýapkershiligi shekteýli seriktestikterdiń jarǵylyq kapıtalyndaǵy qatysý úlesterin qospaǵanda, menshik ıesiniń múlik quqyǵyn bolashaqta respýblıkalyq menshikke óteýsiz berý ýádesin qamtıtyn syıǵa tartý shartyn jasasý týraly sheshimdi memlekettik múlik jónindegi ýákiletti organ qabyldaıdy.
Bul rette, eger aksıonerlik qoǵamdardyń aksııalary men jaýapkershiligi shekteýli seriktestikterdiń jarǵylyq kapıtalyndaǵy qatysý úlesterin qospaǵanda, memlekettik emes zańdy jáne jeke tulǵalar múlkiniń quny aılyq eseptik kórsetkishtiń 30000 eselengen mólsherinen artyq bolǵan jaǵdaıda, menshik ıesiniń múlik quqyǵyn bolashaqta respýblıkalyq menshikke óteýsiz berý ýádesin qamtıtyn syıǵa tartý shartyn jasasýǵa Qazaqstan Respýblıkasy Úkimetiniń kelisimi qajet.
Menshik ıesiniń aksıonerlik qoǵamdardyń aksııalaryna jáne jaýapkershiligi shekteýli seriktestikterdiń jarǵylyq kapıtalyndaǵy qatysý úlesterine quqyǵyn bolashaqta respýblıkalyq menshikke óteýsiz berý ýádesin qamtıtyn syıǵa tartý sharty boıynsha alý týraly sheshimdi Qazaqstan Respýblıkasynyń Úkimeti qabyldaıdy.
Menshik ıesiniń múlik quqyǵyn bolashaqta kommýnaldyq menshikke óteýsiz berý ýádesin qamtıtyn syıǵa tartý shartyn jasasý týraly sheshimdi jergilikti atqarýshy organdar qabyldaıdy.»;
24-tarmaq mynadaı mazmundaǵy úshinshi bólikpen tolyqtyrylsyn:
«Eger menshik ıesiniń múlik quqyǵyn bolashaqta respýblıkalyq menshikke óteýsiz berý ýádesin qamtıtyn syıǵa tartý sharty Qazaqstan Respýblıkasy Úkimetiniń sheshimi boıynsha jasalsa, múlikti memlekettik menshikke qabyldaý qajettiligi týraly buryn usynylǵan qorytyndyny rastamaǵan memlekettik organ Qazaqstan Respýblıkasy Úkimetiniń tıisti sheshiminiń kúshi joıyldy dep taný boıynsha sharalar qabyldaıdy.».
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınısti S. AHMETOV.