Jańadan qurylǵan Abaı oblysynyń quramyna 8 aýdan jáne 2 qala enip otyr, dep habarlaıdy Egemen.kz.
Búginnen bastap Semeı aımaǵynda Abaı oblysy quryldy. Shyǵys Qazaqstan oblysynan bólinip shyqqan jańa óńirdiń aýmaǵy 185,5 myń sharshy metrdi quraıdy.
Quramyna 8 aýdan jáne 2 qala endi. Atap aıtqanda, Semeı, Kýrchatov qalalary, Abaı, Aıagóz, Aqsýat, Besqaraǵaı, Borodýlıha, Jarma, Kókpekti, Úrjar aýdandary.
Abaı oblysyndaǵy halyq sany – 638,3 myń. Iаǵnı, Shyǵys Qazaqstan jurtshylyǵynyń 47 paıyzy jańa aımaqtyń turǵyndaryna aınalyp otyr.
Al ShQO aýmaǵy 97,8 myń sharshy metr boldy. Terrıtorııalyq bólinisterge sáıkes, onyń quramynda 9 aýdan jáne 2 qala qaldy. Olar О́skemen, Rıdder qalalary, Glýbokoe, Zaısan, Katonqaraǵaı, Kúrshim, Samar, Tarbaǵataı, Ulan, Shemonaıha, Altaı aýdandary. О́nerkásipterdiń 32 paıyzy endi Abaı oblysynda.
Eki óńirdiń qala-aýdandary 1997 jyly Semeı oblysy qosylǵanǵa deıingi terrıtorııalar boıynsha bólingen.