Memleket basshysy Qasym-Jomart Toqaevtyń ókimimen Jandos О́mirálıev Bas prokýrordyń orynbasary bolyp taǵaıyndaldy, dep habarlaıdy Egemen.kz Aqordaǵa silteme jasap.
«Prezıdenttiń ókimimen Erlik Ábdiraqymuly Kenenbaev Qazaqstan Respýblıkasy Bas prokýrorynyń orynbasary laýazymynan bosatyldy», delingen habarlamada.
Onyń ornyna Memleket basshysynyń ókimimen Jandos Jánibekuly О́mirálıev taǵaıyndaldy.
Jandos Jánibekuly О́mirálıev, 1978 jyly dúnıege kelgen, bilimi joǵary, Abaı atyndaǵy Almaty memlekettik ýnıversıtetin bitirgen.
Eńbek jolyn 2000 jyly aýdan prokýrorynyń kómekshisinen bastap, osy salada úzdiksiz 18 jyldan astam qyzmet atqaryp keledi.
Aqtóbe oblysy prokýratýrasy jáne Batys aımaqtyq kólik prokýratýrasynda basshy laýazymdardy atqarǵan.
2010-2011 jyldary Zańdylyq, quqyqtyq tártip jáne qylmyspen kúres jónindegi Qazaqstan Respýblıkasy Úılestirý Keńesiniń hatshysy - Bas prokýrordyń asa mańyzdy tapsyrmalar jónindegi kómekshisi bolǵan.
2011-2017 jyldary arasynda Almaty qalasy prokýrorynyń orynbasary qyzmetin atqarǵan.
2017-2018 jyldary Qazaqstan Respýblıkasy Bas prokýratýrasynyń Kadrlyq damý departamentiniń bastyǵy jáne Zańdy kúshine engen úkimderdiń zańdylyǵyn jáne olardyń oryndalýyn qadaǵalaý qyzmeti bastyǵynyń orynbasary laýazymdaryn atqarǵan. «Eren eńbegi úshin» medalimen nagradtalǵan. Januıaly, tórt bala tárbıelep otyr.