Memleket basshysy «Oblys aýmaǵynda ornalasqan máslıhattar nemese respýblıkalyq mańyzy bar qalalar jáne astana máslıhattary depýtattarynyń oblys, respýblıkalyq mańyzy bar qala jáne astana ákimin laýazymǵa taǵaıyndaýǵa kelisim berýi qaǵıdalaryn bekitý týraly» Jarlyqqa qol qoıdy, dep habarlaıdy Egemen.kz Aqordaǵa silteme jasap.
Oblys aýmaǵynda ornalasqan máslıhattar nemese respýblıkalyq mańyzy bar qalalar jáne astana máslıhattary depýtattarynyń oblys, respýblıkalyq mańyzy bar qala jáne astana ákimin laýazymǵa taǵaıyndaýǵa kelisim berýi qaǵıdalaryn bekitý týraly
Qazaqstan Respýblıkasy Konstıtýsııasynyń 87-babyna sáıkes QAÝLY ETEMIN:
1. Qosa berilip otyrǵan Oblys aýmaǵynda ornalasqan máslıhattar nemese respýblıkalyq mańyzy bar qalalar jáne astana máslıhattary depýtattarynyń oblys, respýblıkalyq mańyzy bar qala jáne astana ákimin laýazymǵa taǵaıyndaýǵa kelisim berýi qaǵıdalary bekitilsin.
2. Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń
Prezıdenti Q. Toqaev
Nur-Sultan, Aqorda, 2022 jylǵy 8 maýsym
№ 912
Qazaqstan Respýblıkasy
Prezıdentiniń
2022 jylǵy 8 maýsymdaǵy
№ 912 Jarlyǵymen
BEKITILGEN
Oblys aýmaǵynda ornalasqan máslıhattar nemese respýblıkalyq mańyzy bar qalalar jáne astana máslıhattary depýtattarynyń oblys, respýblıkalyq mańyzy bar qala jáne astana ákimin laýazymǵa taǵaıyndaýǵa kelisim berýi qaǵıdalary
1-taraý. Jalpy erejeler
1. Osy Oblys aýmaǵynda ornalasqan máslıhattar nemese respýblıkalyq mańyzy bar qalalar jáne astana máslıhattary depýtattarynyń oblys, respýblıkalyq mańyzy bar qala jáne astana ákimin laýazymǵa taǵaıyndaýǵa kelisim berýi qaǵıdalary Qazaqstan Respýblıkasy Konstıtýsııasynyń 87-babyn iske asyrý úshin ázirlendi jáne oblys aýmaǵynda ornalasqan máslıhattar nemese respýblıkalyq mańyzy bar qalalar jáne astana máslıhattary depýtattarynyń oblys, respýblıkalyq mańyzy bar qala jáne astana ákimine kandıdatty laýazymǵa taǵaıyndaýǵa kelisim berý tártibin aıqyndaıdy.
2. Oblys, respýblıkalyq mańyzy bar qala jáne astana ákimin laýazymyna taǵaıyndaýǵa kelisim oblys aýmaǵynda ornalasqan máslıhattar nemese respýblıkalyq mańyzy bar qalalar jáne astana máslıhattary depýtattarynyń jınalysynda beriledi.
3. Qazaqstan Respýblıkasynyń Prezıdenti usyný negizinde oblys, respýblıkalyq mańyzy bar qala jáne astana ákimi laýazymyna keminde eki kandıdat usynady.
4. Qazaqstan Respýblıkasy Prezıdentiniń usynýynda ákim laýazymyna kandıdattardyń ómirbaıan derekteri, eńbek qyzmeti, memlekettik nagradalary týraly aqparat jáne ózge de aqparat qamtylady.
2-taraý. Oblys aýmaǵynda ornalasqan máslıhattar depýtattarynyń nemese respýblıkalyq mańyzy bar qala jáne astana máslıhaty depýtattarynyń jınalysyn ótkizý tártibi
5. Qazaqstan Respýblıkasy Prezıdenti Ákimshiliginiń Basshysy Qazaqstan Respýblıkasy Prezıdentiniń tapsyrmasy negizinde oblys, respýblıkalyq mańyzy bar qala jáne astana máslıhatynyń hatshysyna oblys, respýblıkalyq mańyzy bar qala jáne astana ákimin taǵaıyndaýǵa kelisim berý úshin oblys aýmaǵynda ornalasqan máslıhattar nemese respýblıkalyq mańyzy bar qalalar jáne astana máslıhattary depýtattarynyń jınalysyn (budan ári – jınalys) ótkizý qajettigi týraly habarlama jiberedi.
6. Jınalys osy Qaǵıdalardyń 5-tarmaǵynda kórsetilgen habarlama alynǵan kúnnen bastap kúntizbelik úsh kúnnen keshiktirilmeı ótkiziledi.
Oblys, respýblıkalyq mańyzy bar qala jáne astana máslıhatynyń hatshysy osy Qaǵıdalardyń 5-tarmaǵynda kórsetilgen habarlamany alǵan kúnnen bastap bir kún merzimde tıisti aýmaqtyń depýtattaryn jınalystyń shaqyrylý kúni men ýaqyty jáne ótkiziletin orny týraly kórsetilgen aqparatty tıisti máslıhattyń (máslıhattardyń) resmı ınternet-resýrsynda ornalastyrý arqyly habardar etedi.
7. Jınalystyń kún tártibine:
1) oblys, respýblıkalyq mańyzy bar qala jáne astana máslıhaty hatshysynyń qysqasha kirispe sózi;
2) sanaq komıssııasynyń múshelerin, sondaı-aq komıssııanyń tóraǵasy men hatshysyn saılaý;
3) daýys berý tásilin tańdaý (ashyq nemese jasyryn);
4) Qazaqstan Respýblıkasy Prezıdenti Ákimshiligi Basshysynyń, ne Qazaqstan Respýblıkasy Premer-Mınıstriniń, ne Qazaqstan Respýblıkasynyń Prezıdenti ýákilettik bergen ózge de laýazymdy adamnyń Qazaqstan Respýblıkasy Prezıdentiniń usynýyn jarııa etýi jáne oblys, respýblıkalyq mańyzy bar qala jáne astana ákiminiń laýazymyna kandıdatýralardy usyný;
5) tıisti aýmaq ákimine kandıdattardyń ózderiniń aldaǵy qyzmetiniń baǵdarlamasy týraly tezısterin baıandaýy kiredi.
8. Jınalysta depýtattar kandıdattarǵa suraqtar qoıýy múmkin. Depýtattar usynylǵan kandıdatýralardy «jaqtap» nemese «qarsy» pikirler aıtýǵa quqyly.
9. Oblys aýmaǵynda ornalasqan máslıhattar depýtattarynyń jınalysyna oblys jáne tıisti oblystyń aýdandary (oblystyq mańyzy bar qalalar) máslıhattarynyń depýtattary qatysady, onda oblys máslıhatynyń hatshysy tóraǵalyq etedi.
Respýblıkalyq mańyzy bar qala jáne astana máslıhaty depýtattarynyń jınalysyna tıisti máslıhattardyń depýtattary qatysady, onda tıisti máslıhat hatshysy tóraǵalyq etedi.
Eger jınalysqa oblys aýmaǵynda ornalasqan máslıhattar nemese respýblıkalyq mańyzy bar qala jáne astana máslıhaty depýtattarynyń jalpy sanynyń keminde úshten ekisi qatyssa, onyń quqyqtyq kúshi bolady. Árbir jınalystyń aldynda qatysatyn depýtattardy tirkeý júrgiziledi, onyń nátıjelerin máslıhat hatshysy otyrystar bastalar aldynda jarııalaıdy.
10. Jınalysty oblys, respýblıkalyq mańyzy bar qala jáne astana máslıhatynyń apparaty uıymdastyrady jáne tehnıkalyq múmkindikter eskerile otyryp, ınternet-resýrstarda onlaın-translıasııa uıymdastyrylyp, ótkiziledi.
3-taraý. Daýys berýdiń uıymdastyrylýy men tártibi
11. Kandıdattardyń baıandamasy men jaryssózder (ótkizilgen jaǵdaıda) aıaqtalǵannan keıin daýys berý ótkiziledi.
Kandıdattar úshin daýys berý prosesin uıymdastyrý jáne onyń qorytyndylaryn shyǵarý úshin qatysyp otyrǵan depýtattar qatarynan taq sannan, keminde 3 adamnan turatyn sanaq komıssııasy qurylady.
Sanaq komıssııasynyń músheleri óz quramynyń kópshilik daýsymen sanaq komıssııasynyń tóraǵasy men hatshysyn ashyq daýys berý arqyly saılaıdy.
Oblys, respýblıkalyq mańyzy bar qala jáne astana ákimi laýazymyna kandıdatty kelisý úshin qatysyp otyrǵan depýtattardyń jalpy sanynyń kópshiliginiń sheshimi boıynsha ashyq ne jasyryn daýys berý ótkiziledi.
Ashyq ne jasyryn daýys berýdi ótkizý tártibin sanaq komıssııasy belgileıdi jáne ony sanaq komıssııasynyń tóraǵasy habarlaıdy.
12. Jınalys óz quzyretindegi máseleler boıynsha kópshilik daýyspen sheshim qabyldaıdy.
13. Daýys berý:
1) daýystardy sanaýdyń elektrondyq júıesi bolǵan kezde, ol paıdalanyla otyryp;
2) qol kóterý arqyly;
3) bıýlletender paıdalanyla otyryp júzege asyrylady.
Daýys berýdi ótkizý úshin depýtattardyń qajetti sany bolmaǵan kezde, oblys, respýblıkalyq mańyzy bar qala jáne astana máslıhatynyń hatshysy kvorýmdy qamtamasyz etý boıynsha sharalar qabyldaıdy.
Daýys berý rásiminde tek «jaqtap» jáne «qarsy» daýys berýge bolady.
Barlyq máseleler boıynsha daýys berý nátıjelerin oblys, respýblıkalyq mańyzy bar qala jáne astana máslıhatynyń hatshysy daýys berýge qatysqandardyń, «jaqtap», «qarsy» daýys bergenderdiń sanyn jáne daýys berý qorytyndysyn kórsete otyryp, jarııalaıdy. Derekter depýtattar jınalysynyń hattamasyna engiziledi.
14. Ashyq daýys berý qol kóterý arqyly ne daýystardy sanaýdyń elektrondyq júıesi bolǵan kezde, ol paıdalanyla otyryp, júzege asyrylady.
15. Jasyryn daýys berý ótkizý kezinde, bıýlletender tikeleı daýys berý bastalar aldynda beriledi. Bıýlletender sanaq komıssııasy belgilegen nysanda onyń baqylaýymen, sany otyrysqa qatysyp otyrǵan depýtattardyń sanyna teń bolyp daıyndalady jáne olarǵa sanaq komıssııasynyń tóraǵasy men hatshysy qol qoıady.
Máslıhat hatshysy bıýlletenderdi daıyndaý úshin jınalysta úzilis jarııalaýy múmkin.
Árbir depýtatqa sanaq komıssııasynyń tóraǵasy men hatshysy qol qoıǵan bir bıýlleten beriledi. Depýtattarǵa jasyryn daýys berýge arnalǵan bıýlletender olar depýtat kýáligin nemese jeke kýáligin kórsetken kezde beriledi.
Jasyryn daýys berý úshin qupııalylyqty saqtaý boıynsha talaptar ustana otyryp, arnaıy bólingen orynǵa oblys, respýblıkalyq mańyzy bar qala jáne astana máslıhatynyń móri basylǵan jáshik ornatylady.
Máslıhat depýtaty ózi daýys beretin kandıdattyń teginiń oń jaǵyndaǵy bos sharshyǵa kez kelgen belgi qoıady.
Belgilenbegen nysandaǵy bıýlletender sanaý kezinde esepke alynbaıdy.
Sanaq komıssııasy daýys berýge arnalǵan jáshikti daýys berý aıaqtalǵannan keıin ashýǵa tıis. Jáshikti daýys berý aıaqtalǵanǵa deıin ashýǵa tyıym salynady.
16. Sanaq komıssııasy daýys berý nátıjeleri boıynsha hattama jasaıdy, oǵan sanaq komıssııasynyń barlyq músheleri qol qoıady jáne ol oblys, respýblıkalyq mańyzy bar qala jáne astana máslıhatynyń hatshysyna beriledi.
Daýys berý kezinde bolmaǵan máslıhat depýtatynyń keıinirek daýys berýge quqyǵy joq.
17. Daýys berýge qatysqan depýtattardyń daýys sanynyń kópshiligin alǵan kandıdat kelisim alǵan bolyp esepteledi.
Eger kandıdattar birdeı daýys sanyn jınaǵan bolsa, sanaq komıssııasy atalǵan kandıdattar arasynda qaıta daýys berýdi ótkizý týraly sheshim qabyldaıdy.
Qaıta daýys berý osy Qaǵıdalarda kózdelgen tártippen oblys, respýblıkalyq mańyzy bar qala jáne astana máslıhatynyń hatshysy aıqyndaǵan merzimderde ótkiziledi.
18. Jınalys oblys, respýblıkalyq mańyzy bar qala jáne astana máslıhatynyń hatshysy daýys berý nátıjelerin jarııalaǵannan keıin jabylady. Oblys, respýblıkalyq mańyzy bar qala jáne astana máslıhatynyń hatshysy jáne sanaq komıssııasynyń tóraǵasy qol qoıǵan jınalystyń hattamasy jınalystyń ótkizilýin kýálandyratyn qujat bolyp tabylady, ol bir kún ishinde Qazaqstan Respýblıkasy Prezıdentiniń Ákimshiligine jiberiledi.