Almaty polısııasy Ǵabıdolla Ábdirahymovqa qatysty qozǵalǵan qylmystyq iske túsinikteme berdi, dep habarlaıdy Egemen.kz.
Almaty qalasynyń polısııa departamenti Q. esimdi azamattan Ǵabıdolla Ábdirahymovtyń ústinen aryz túskenin rastady.
«Atalǵan derek QR Qylmystyq kodeksiniń 190-babynyń 4-bóligimen sotqa deıingi tergep-tekserýdiń biryńǵaı tiziliminde tirkeldi. Qylmystyq is boıynsha óndiristi Almaty qalasy qylmystyq izdestirý departamentiniń tergeý basqarmasy júrgizip jatyr. Onyń qorytyndysy boıynsha sońǵy prosessýaldyq sheshim qabyldanady», dep habarlady Almaty qalalyq polısııa departamentiniń baspasóz qyzmeti.
Bul is týraly aqparat jýrnalıst Mıhaıl Kozachkovtyń Telegram-arnasynda jarııalanǵan edi.
«Kárim Másimov pen Ǵabıdolla Ábdirahymovqa qatysty «reıderlik» baby boıynsha qylmystyq is qozǵaldy» delingen habarlamada.