Ortalyq saılaý komıssııasynda Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar men adam quqyqtary bıýrosy (EQYU/DAQB) referendýmdy baǵalaý jónindegi mıssııasymen kezdesý ótti.
Ortalyq saılaý komıssııasynyń tóraǵasy Nurlan Ábdirov EQYU/DIAQB-nyń Referendýmdy baǵalaý jónindegi mıssııasynyń basshysy Tamash Meserıchpen birqatar másele jóninde pikirlesti. Sonymen qatar komıssııa tóraǵasy Tamash Meserıchge referendýmdy baıqaý boıynsha atqarǵan jumysy úshin alǵysyn bildirdi. О́z kezeginde komıssııa tóraǵasy Tamash Meserıch 5 maýsymda ótken respýblıkalyq referendýmǵa daıyndyq pen ony ótkizý jónindegi jumystyń aıaqtalýymen quttyqtap, referendým uıymdastyrýshylaryna referendým komıssııalarynyń barlyq deńgeılerinde mıssııamen tıimdi ózara is-qımyl jasalyp, joǵary deńgeıde ótkenin atap ótti.
Eki tarap turaqty konsýltasııalar rejiminde jáne saılaýaralyq kezeńde bir-birimen tyǵyz yntymaqtastyǵyn jalǵastyrýǵa nıetti.
Kezdesýge OSK tóraǵasynyń orynbasary Konstantın Petrov, OSK hatshysy Muhtar Erman, sondaı-aq Mıssııa basshysynyń orynbasary Domınık Hoýell, Mıssııanyń saıası máseleler jónindegi mamany Rashad Shırınov, Mıssııanyń saılaý máseleleri jónindegi mamany Adına Borkan qatysyp, pikirlerin bildirdi.