COVID-19 taralýyna jol bermeý jónindegi vedomstvoaralyq komıssııanyń málimetterine qaraǵanda, álemniń 27 elinde maımyl sheshegi aýrýy anyqtalǵan, dep habarlaıdy Egemen.kz.
Indet juqtyrý derekteri negizinen Eýropa men Soltústik Amerıkada anyqtalǵan.
«Biz Batys Afrıkada maımyl sheshegi aýrýymen aýyrǵan dárigerdiń keıinirek qaıta vırýs juqtyrǵanyna kýá boldyq. Immýnıtet vırýsty qaıta juqtyrýdan 100% qorǵaı almaıdy», dedi Dúnıejúzilik densaýlyq saqtaý uıymynyń sheshekpen kúres jónindegi hatshylyǵynyń basshysy Rozamýnd Lıýıs.
Dúnıejúzilik uıym maımyl sheshegi taralýynyń aldyn alýǵa bolatyndyǵyn aıtty. Naýqastarǵa úıde oqshaýlanýǵa keńes beriledi.
Aıta ketsek, vedomstvoaralyq komıssııanyń málimetinshe, Qazaqstanda maımyl sheshegin juqtyrý deregi tirkelgen joq.