Qarjy monıtorıngi agenttiginiń Jambyl oblysy boıynsha departamenti «Kómekovter» uıymdasqan qylmystyq tobyna qatysty qylmystyq isti tergedi.
Anyqtalǵandaı, erli-zaıypty Kómekovter uıymdasqan qylmystyq toptyń 7 belsendi múshesin basqarǵan. Olardyń árqaısysy qylmystyq shemada belgili bir qyzmet atqarǵan. Olar jalǵan kásiporyndar arqyly jumysty is júzinde oryndamaı shot-faktýra jazyp berip otyrǵan.
«Qylmystyq toptyń zańsyz áreketteriniń saldarynan memleket bıýdjetine 1 mlrd teńgeden astam salyq túsken joq», dep habarlady QMA baspasóz qyzmeti.
Sot uıymdasqan qylmystyq top múshelerin kináli dep taýyp, 3 jyldan 5 jylǵa deıin bas bostandyǵynan aıyrdy. Al erli-zaıypty Kómekovterdiń qylmystyq jolmen tapqan múlki tárkilenip, 7 jáne 10 jylǵa sottaldy.
Sondaı-aq uıymdasqan qylmystyq toptyń keńsesi jáne 17 mln teńgeden astam aqsha tárkilendi. Budan bólek sot memlekettik kirister organdarynyń 10 mlrd teńgeden astam somaǵa keltirilgen zalaldy óteý týraly azamattyq talap-aryzyn da qanaǵattandyrdy.
Aıana Toǵanbek