Prezıdent janyndaǵy Sheteldik ınvestorlar keńesiniń 34-jalpy otyrysynda Memleket basshysy Qasym-Jomart Toqaev keńestiń jańa múshelerin tanystyrdy, dep habarlaıdy Egemen.kz.
«Sizderdi keńestiń jańa múshelerimen tanystyrǵym keledi. Olar Bela Ferensı, Gerı Neıgl, Ýve Knotser, Nıkolıa Terras, Kırstı Helen Ýılson, Vadım Vorobev, Tısýıa Shınohara», dedi Qazaqstan Prezıdenti.
Sonymen qatar Memleket basshysy Shetel ınvestorlary keńesiniń baıqaýshylaryn da tanystyryp ótti.
«Keńestiń baqylaýshylary retinde Fransýa Jakov, Mıshel Sımons jáne Lorenso Sımonellıdi de atap ótkim keledi», dedi Qasym-Jomart Toqaev.
Aıta keteıik, QR Prezıdenti janyndaǵy Sheteldik ınvestorlar keńesiniń 34-jalpy otyrysynyń taqyryby ekonomıkany kómirteksizdendirýge jáne tómenkómirtekti tehnologııalardy engizýge arnalǵan.