Jónsiz jumsaý tyıylmaı tur

«Tek shamaly úlesi ǵana naq­ty óndiris qurýǵa múmkindik be­re­di. Odan da ekinshi deńgeıli bank­terdiń mólsherlemesin, so­nyń ishinde uzaq merzimdi nesıe­ler boıynsha da mólsherlemeni sýbsıdııalaý durys emes pe? Je­ńildetilgen nesıeleýdiń or­nyna stavkany sýbsıdııalaý­dy engizsek, memlekettik qo­l­­­daý aýqymy 5 ese artady. Usy­­­­­­nylyp otyrǵan tásil eko­no­­­­mıkanyń shıkizattyq emes sek­toryn damytýǵa, otandyq taýarlar óndirisiniń ósimin kó­beı­týge jaǵdaı jasaıdy», dedi N.Godýnova.

Komıtet basshysynyń má­lim­­deýinshe, qazir biraz ult­tyq jobalardyń memle­ket­tik baǵdarlamalardy almas­tyrǵanyn, alaıda odan eshteńe­niń de ózgere qoımaǵanyn aıtady.

«Jobalyq basqarýdyń ne­giz­gi prınsıpteri saqtal­maı­dy. Qar­jy­landyrý qajet­ti­liktiń tek 57 paıyzyn qurap otyr. Qajetti deńgeıdegi qar­jylandyrý joq, demek nátı­je suraýǵa da mo­ral­dyq quqyq bolmaýy kerek. Is-sharalar to­lyq pysyq­tal­maǵan, tıisinshe ortalyq pen óńirler arasynda úılesim joq. Ortalyq mem­le­kettik or­gan­dardyń she­shim qabyldaýy men onyń adam­darǵa sezilýi arasyndaǵy ýa­qyt tym uzaq. Bıýdjettiń mıl­­lıardtaǵan qara­jaty jelge ushyp jatyr. Qazir eko­no­mı­kanyń birtindep jaq­sa­rý­y endi ǵana shaǵyn jáne orta bızneske jaǵymdy áser etýde. Al kóptegen qazaqstandyqtyń ómir súrý deńgeıi ázirge kóte­ri­le­tin emes. Sirá, ınflıasııa saldarynan. Azamattardyń eńbek qyz­me­tinen alatyn tabys úlesi tó­mendep, áleýmettik trans­fert­­terge degen táýeldiligi artyp barady. Qazir halyqtyń kópshiligi memlekettiń kómegine muqtaj. Tamaqtaný ónimderi tuty­nýshylyq shyǵyndar qury­ly­mynyń jartysynan astamyn qurap otyr», deıdi N.Godýnova.

Ol – tutynýshylyq shyǵyn­dar­dy óteý úshin, bylaı aıtqanda iship-jeý úshin halyq nesıege bata bastaǵanyn aıtady. Jeke tulǵalardyń ıpotekalarynyń ósimi – 38, tutynýshylyq maq­sat­­ta­ǵy nesıeleri 40 paıyz­ǵa je­tip otyr. Bul búkil ekono­mı­kaǵa berilgen kredıttiń úsh­ten biri eken.

Telegramdaǵy Risk Takers kanalynyń sarapshysy N.Godý­no­vanyń bul usynysyna qoldaý tanytqan.

«Tıimsiz basqarý faktileri birneshe ret jarııa boldy. Bizdiń «Qazagro» jáne «Agrarlyq nesıe korporasııasy» týraly aldyńǵy posttarymyz soǵan dálel. Qarjy naryǵyn retteý jáne damytý agenttigi agrosektor úshin arnaıy memlekettik bank qurýǵa qatysty da pikir bildirgen. Olardyń pikirine súıensek, qarjy naryǵynda onsyz da kommersııalyq bank­ter de, ekonomıka sektorlaryn nesıeleý úshin túrli damý ıns­­tıtýttary da bar. Biz de je­ńil­detilgen baǵdarlamalar men jańa memlekettik bankterdi kó­beı­te berýge qajettilik joq dep sanaımyz», dep jazady kanal.