Germanııanyń Transfermarkt portaly Qazaqstan Premer-lıgasynda óner kórsetip júrgen fýtbolshylardyń transferlik qunyn jarııalady. Bul tizimde Qostanaıdyń «Tobyl» klýbynyń shabýylshysy Igor Sergeev kósh bastap tur. Búgingi tańda ol 1,7 mıllıon eýroǵa baǵalanyp otyr.
Igor Sergeev 1990 jyldyń 30 sáýirinde О́zbekstan astanasy – Tashkentte dúnıege keldi. О́ziniń sporttyq karerasyn jergilikti «Pahtakorda» bastady. Keıinnen Qytaıdyń «Beıszın Sınobo Goan», BAÁ-niń «Ál-Zafra» jáne Qazaqstannyń «Aqtóbe» klýbtarynda oınady. Byltyr «Tobyldyń» jeıdesin kıdi. О́zbekstannyń jasóspirimder men jastar quramasynda óner kórsetip, 2013 jyldan beri ulttyq komandanyń namysyn qorǵaýda. Sol aralyqta 59 ret jasyl alańǵa shyǵyp, 17 márte qarsylastar qaqpasyn dál kózdedi. «Pahtakormen» birge tórt dúrkin О́zbekstannyń chempıony, eki márte el kýbogynyń ıegeri atandy. Jastar arasyndaǵy Azııa kýbogynyń eń úzdik surmegenine tıesili arnaıy syılyqty ıelendi. «Tobyldyń» sapynda byltyrǵy maýsymda Qazaqstan Premer-lıgasynda top jardy.
Ekinshi oryndy Iаsek Gýralskıı ıelendi. 29 jastaǵy Almatynyń «Kaırat» komandasy sapyndaǵy polshalyq legıoner 1,6 mıllıon eýroǵa baǵalandy. «Qaırattyń» shabýylshysy Hose Kante men «Astananyń» surmergeni Mohammed Kamara úshinshi jáne tórtinshi oryndardy ózara bólisken. Olardyń quny – 1,4 mln eýro. Sondaı-aq TOP-10-dyqtyń qatarynda myna oıynshylar bar: Maks Ebong («Astana») – 1,2 mln, Kamo Oganesıan («Astana») – 1 mln, Aıbol Ábiken («Aqsý») – 1 mln, Aleksa Amanovıch («Tobyl») – 1 mln, Sergeı Malyı («Tobyl») – 900 myń eýro jáne Makı Banıak («Qaırat») – 800 myń eýro.