Fýtboldan Qazaqstan jastar quramasy 2023 jylǵy Eýropa chempıonatynyń irikteý týrnıriniń oıyndaryn aıaqtap, óz tobynda sońǵy orynǵa turaqtady.
Qaırat Nurdáýletov jattyqtyratyn 21 jasqa deıingi Qazaqstan jastar quramasy irikteý kezeńiniń sońǵy oıynyn syrt alańda Túrkııa fýtbolshylarymen ótkizip, asa tartysty ótken oıynda teń oınap (0:0), bir upaıdy qorjynǵa saldy. Oıynnyń 58-mınýtynda «Qaırattyń» qorǵaýshysy Damır Qasabolat alańnan qýyldy. Matchtyń sońyna deıin jigerlilik tanytqan Qazaqstan jastar quramasy teń esepti saqtap qaldy.
I tobynda óner kórsetken bizdiń jigitter segiz oıynda eki upaı jınap, bes quramanyń ishinde sońǵy orynǵa turaqtady. Al 20 upaıy bar Belgııa fýtbolshylary birinshi orynmen Eýropa chempıonatyna joldama aldy.