Jeksenbide Fransııadaǵy parlament saılaýynyń birinshi týry ótip, solshyl kúshterdiń «Jańa halyqtyq ekologııalyq jáne áleýmettik odaq» koalısııasy eń kóp daýys jınady, dep habarlaıdy Egemen.kz Euronews agenttigine silteme jasap.
Aldyn ala aqparat boıynsha Solshyl partııanyń jetekshisi Jan-Lıýk Melanshonnyń bastamasymen qurylǵan NUPES koalısııasynyń kandıdattary 26,2% daýys jınaǵan.
Al «Renessans» prezıdenttik qozǵalysy jetekshilik etetin «Birge!» bıleýshi koalısııasynyń kandıdattary 25,8% daýys jınady. Soǵan qaramastan Fransııa elindegi majorıtarlyq saılaý júıesiniń ereksheligine baılanysty basqarýshy koalısııa parlamenttegi orynnyń basym bóligin saqtap qalady.