13 maýsymdaǵy derekterge sáıkes, Qazaqstanda 157 adam koronavırýs ınfeksııasynan emdelýde, dep habarlaıdy Egemen.kz.
Vedomstvoaralyq komıssııa taratqan aqparatqa sáıkes, qazirgi ýaqytta 35 naýqas stasıonarda, 122 naýqas ambýlatorııalyq deńgeıde em qabyldap jatyr.
«Koronavırýsqa shaldyqqandardyń arasynda 7 adamnyń jaǵdaıy aýyr, 3 naýqas ókpeni jasandy jeldetý apparatynda jatyr. Búgin 7 azamat qaýipti indetten jazylyp shyǵyp, qatarǵa qosyldy. Onyń 5-eýi Nur-Sultan qalasynda, 2-eýi Almaty qalasynda turady. Búginde elimizde barlyǵy 1 292 089 adam COVID-19-dan emdelip shyqty», dep jazdy vedomstvonyń baspasóz qyzmeti.