Elordada 64 adam tamaqtan ýlandy. Bul týraly Nur-Sultan qalalyq sanıtarııalyq-epıdemıologııalyq baqylaý departamentinen málim etti, dep habarlaıdy Egemen.kz.
9-10 maýsymda Nur-Sultan qalalyq Sanıtarlyq-epıdemıologııalyq baqylaý departamentiniń aýmaqtyq basqarmalaryna tamaqtan ýlaný faktileri tirkelgeni týraly qalalyq medısınalyq uıymdardan shuǵyl habarlamalar túsken. Barlyq naýqas qoǵamdyq tamaqtaný oryndarynyń birinde tamaqtanǵanyn aıtqan.
«Jappaı tamaqtan ýlaný faktileriniń tirkelýine baılanysty Baıqońyr aýdandyq Sanıtarlyq-epıdemıologııalyq baqylaý basqarmasy Baıqońyr aýdanynyń Polısııa basqarmasyna aqparat joldady. Polısııa departamenti Qylmystyq kodekstiń 304-baby boıynsha sotaldy tergep-tekserýdi bastady», dedi vedomstvo ókilderi.
10 maýsymda qylmystyq is aıasynda qoǵamdyq tamaqtaný nysanynda jospardan tys tekserý bastalǵan.
«Tekserý barysynda mynadaı zańbuzýshylyqtar anyqtaldy:
nysannyń málimdelgen qýatyna naqty sáıkes kelmeýi; barlyq tehnologııalyq prosess as úıdiń bir bólmesinde júrgiziledi; seh boıynsha bólý (ýchaskelerge bólý) kózdelmegen; bólshekteý jabdyqtaryn tańbalaý, paıdalaný jáne saqtaý talaptary saqtalmaıdy; daıyn azyq-túlik ónimderin jáne azyq-túlik shıkizatyn saqtaý kezinde qajetti qaǵıdat saqtalmaıdy; qyzmetkerlerdi juqpaly aýrýlardyń bolýyna tekserý jýrnaly joq.Tekserý kezinde zerthanalyq zertteý úshin jaǵyndylar, shıkizat pen daıyn ónimniń úlgileri tańdaldy. Kásiporynnyń 15 qyzmetkeri patogen mıkroflorany tasymaldaýǵa tekserildi. Nátıje qaralyp jatyr», dep tolyqtyrdy Sanıtarlyq-epıdemıologııalyq baqylaý departamenti ókilderi.
Vedomstvo málimetinshe, medısınalyq kómekke 64 naýqas júginip, onyń 52-si aýrýhanaǵa jatqyzyldy, 12-si ambýlatorlyq em alǵan.
Jospardan tys tekserýler men epıdemııaǵa qarsy sharalar jalǵasyp jatyr.