Shyǵys Qazaqstan oblysynda shomylý maýsymy bastalǵaly úsh adam sýǵa batyp ketti, dep habarlaıdy Egemen.kz.
ShQO TJD baspasóz qyzmetiniń habarlaýynsha, bir jasóspirimniń denesi áli kúnge deıin izdestirilip jatyr. Qaıǵyly oqıǵa osy jyldyń 11 maýsymynda Semeıde boldy. Qutqarýshylarǵa Shyǵys kenti 2-saıajaı aýmaǵynda Ertis ózenine 15 jastaǵy jasóspirimniń batyp ketkeni týraly habar kelip jetti. Anyqtalǵandaı, ol dostarymen birge ruqsat etilmegen sý aıdynynda shomylǵan. Ol aǵysy qatty jerge sýǵa sekirgen, sol beti shyqpaǵan. Joldastary kómekke kelmek boldy, alaıda sýdyń qatty aǵyny ondaı múmkindik bermedi.
«Oqıǵa ornyna kelgen 7-О́SB jedel qutqarý jasaǵynyń súńgýirleri kelip jetip izdeý jumystaryn júrgizdi. Qaıyqty jáne súńgýir jabdyqtaryn paıdalana otyryp júrgizilgen birneshe saǵattyq izdestirý jumystary esh nátıje bermedi, izdeý jumystary jalǵasýda. Sý túbiniń laıly bolýy, ózen aǵysynyń qatty bolýy súńgýirlerdiń izdeý jumystaryn qıyndatyp jatyr», delingen vedomstvo habarlamasynda.