Memleket basshysynyń tapsyrmalaryn oryndaý aıasynda búgingi tańda azamattardyń jekelegen sanattarynyń máselelerin sheshýdi jedeldetý maqsatynda jeke turǵyn úı qoryndaǵy turǵyn úıdi jalǵa alý aqysyn sýbsıdııalaý tetigi iske asyrylýda.
Indýstrııa jáne ınfraqurylymdyq damý mınıstrligi baspasóz qyzmetiniń málimetinshe, 2022 jylǵy 7 maýsymdaǵy jaǵdaı boıynsha berilgen ótinimder sany – 19 285, olardyń 4 750-i maquldandy.
10 117 ótinish qabyldanbady. Bas tartý sebepteri ár túrli. Olardyń kópshiligi tirkeý kezinde SMS arqyly jiberilgen kodty engizbegen. О́tinim qabyldanbaýynyń jıi kezdesetin sebepteri: jeke kýáliginiń jaramdylyq merziminiń ótip ketýi, ótinim berýshiniń atyna tirkelgen jyljymaıtyn múliktiń bolýy, úı kezegine tirkelmegeni, Memlekettik kirister komıtetinde qaryzynyń bolýy, olarǵa tólem talaby-ókimderiniń berilgeni. Ázirge qabyldanbaǵan ótinimder arasynda:
Alýshynyń nemese otbasy músheleriniń derekterin tekserý boıynsha – 836, Tabystary eń tómengi kúnkóris deńgeıinen asyp ketýi – 782, Qatysýshynyń ózi kúshin joıǵandar – 1 887 jáne t.bEske sala keteıik, jaldaý tólemderin sýbsıdııalaý baǵdarlamasy bıylǵy 18 sáýirde iske qosylǵan bolatyn.