Meksıkanyń Leon qalasynda aýyr atletıkadan ótip jatqan jasóspirimder arasyndaǵy álem chempıonatynyń alǵashqy eki kúninde qazaqstandyq sportshylar eki qola medal jeńip aldy.
Álemniń 40-qa jýyq elinen kelgen 205 aýyr atlet 10 salmaq dárejesi boıynsha synǵa túsip jatyr. Álemdik dodada Qazaqstannyń 9 (5 er, 4 qyz) sportshysy da óner kórsetýde. Jarystyń alǵashqy kúninde qyzdar arasynda 40 kılo salmaqta baq synaǵan Aleksandra Belenko álem chempıonatynyń qola júldegeri atandy. Qos saıysta 125 kılo (55+70) ziltemirdi kótergen otandasymyz úzdik úshtiktiń qatarynan kórindi. Bas júldeni kolýmbııalyq Estrada Velez (128 kg, 55+73) ıelense, kúmis júlde úndistandyq Vıavhare Akanshaǵa buıyrdy. Ol – 127 (59+68) kılony eńserdi.
Al jarystyń ekinshi kúninde erler arasyndaǵy saıysta 55 kılodaǵy Erasyl Omarov eki jattyǵýda 224 (100+124) kılo ziltemirdi baǵyndyryp, el qorjynyna ekinshi qola júldeni saldy. Altyndy Úndistan ókili Gýrýnaıdý Sanapathı (230 kg, 124+126), kúmisti Saýd Arabııasynyń sportshysy Alı Madjıdý oljalady – 229 kg (105+124).