Atalǵan kitaptyń avtory, 71 jastaǵy Nensı Krempton-Brofı 63 jastaǵy kúıeýi Dena Brofıdi óltirgenin moıyndady, dep habarlaıdy Egemen.kz.
Oqıǵa osydan 4 jyl buryn bolǵan. Nensı Krempton bas aspaz bolyp jumys isteıtin kúıeýi Den Brofıdi jumys ornynda óltirgen. Sot prosesi barysynda qylmys jasaǵan áıel kúıeýiniń júregine tapanshamen eki ret oq atqanyn moıyndady. Ol ómirlik serigin óltirmes buryn «Kúıeýińdi qalaı óltirýge bolady» degen taqyrypta ınternet-esse jazǵan.
2014 jyldan 2017 jylǵa deıin erli-zaıyptylar qaryzǵa batyp, qarjylyq qıyndyqtarǵa tap bolǵan. Sondyqtan úılerin satyp, kishirek úı satyp alýdy josparlaǵan. Degenmen kúdiktiniń qylmysqa saqtandyrý qaǵazyna ıelik etý úshin barǵany belgili boldy. Budan bólek, Nensı basqa da qylmys jasaǵan. Atap aıtqanda, aqsha jymqyrǵan, alaıaqtyq jasaǵan.
Biraq Nensıdiń jaqyndary onyń kinásiz ekendigine kámil senimdi. Týystary Nensı men Denniń tamasha jup bolǵanyn jáne bir-birin jaqsy kórgenderin, al kúıeýi qaıtys bolǵannan keıin Nensıdiń qatty qaıǵyrǵanyn aıtty.
Sot Nensı Krempton-Brofıdi jasaǵan qylmysy úshin aıypty dep tanyp, 25 jylǵa abaqtyǵa otyrǵyzdy. Endi ol temir tordan 96 jasynda ǵana shyǵa alady.
Asemaı Erlanqyzy