UIYMNYŃ EÝRAZIIаLYQ О́LShEMDERI

Jýyrda Ońtústik Ko­reıanyń astanasy Seýlde EQYU-nyń Azııadaǵy áripteste­rimen konferensııasy bolyp ótti. EQYU-nyń eki áriptes elder toby: Azııalyq jáne Jerortateńizdik toby bar ekeni belgili. Azııalyq árip­tester qataryna alty el jata­dy, olar – Japonııa, Koreıa, Taı­land, Aýǵanstan, Mońǵolııa jáne Avstralııa. Avstralııa bul topqa ótken jyldyń jeltoqsanynda ǵana kirgen.

Talǵat JUMAǴULOV” – Venadan.

Áriptes elder baqylaýshy retin­de EQYU mem­leketteri basshyla­rynyń, Syrtqy ister mınıstrleri keńesiniń barlyq kezdesýlerine, son­daı-aq qoǵamnyń Turaqty keńe­siniń apta saı­ynǵy otyrystaryna qatysady. Sonymen qatar, júıeli túrde (shamamen aıyna bir ret) EQYU-nyń jáne áriptes elderdiń baılanys top­tary elshiler deń­geıin­de Venada kezdesý ót­kizip turady. Jylyna bir ret áriptes eldermen joǵary deńgeıdegi konferensııa ótkiziledi. EQYU-nyń jan-jaqty qaýip­sizdikti yntymaqtastyq jáne únqatysý jolymen ilgeriletý týraly tujyrymdamasy qandaı jolmen Azııa úshin qulshyndyrýshy ıdeıa bola alady? Bul másele Uıym­nyń Azııalyq áriptesterimen kon­ferensııasynda negizgi taqyrypqa aınaldy. Sharaǵa EQYU-nyń Azııa­daǵy barlyq alty áriptesi qatysty. Eki kúnge sozylǵan konferen­sııanyń bir oty­rysynda Soltústik-Shyǵys Azııadaǵy qaýip­sizdik máseleleri boıynsha jan-jaqty yn­tymaqtastyq jáne Korfý úderisiniń – Eý­ro­padaǵy bolashaq qaýipsizdik týraly únqa­ty­sý­dyń tájirıbesi talqylandy. Eýropa­daǵy jáne Azııadaǵy qaýipsizdiktiń ózara baı­la­nysyn eskeretin bolsaq, bul úderiske Azııalyq áriptester qosatyn úles aıryqsha mańyzdy. “EQYU-ǵa tóraǵalyq etýshi Azııanyń tuńǵysh memleketi retinde Qazaqstan bizdiń ortaq qaýipsiz­digimizdiń eýrazııalyq ólshemine aıryqsha kóńil bólip, EQYU-men Azııalyq áriptester arasyndaǵy yntymaqtastyqty óńirlik qaýip­sizdik pen turaqtylyqty nyǵaıtý maqsatynda damyta bermek”, – dedi EQYU-ǵa tóraǵa el retindegi Qazaqstannyń atynan sóz sóılegen Syrtqy ister mınıstriniń orynbasary Konstantın Jıgalov. “Azııalyq áriptester EQYU úshin asa baǵaly aktıv bolyp taby­lady. Bizdiń únqatysýymyz ben yntymaqtastyǵymyz belsendi de serpindi damyp keledi. Biz birlesip tartymdy da naqty nátıjelerge qol jetkize alamyz”, – dep atap ótti ol. Koreıa Respýblıkasy Syrt­qy ister mınıstriniń orynbasary Chýn Iýn Vý óńirdegi ahýal týraly aıtyp, Koreıanyń EQYU-men tyǵyz birlikte jumys isteý nıe­tinde ekenin jáne Soltústik-Shy­ǵys Azııada jan-jaqty qaýipsizdik tetikterin qurýda Uıymnyń táji­rıbesin paıdalanatynyn málimdedi. EQYU-nyń Bas hatshysy Mark Perren de Brıshambo EQYU-nyń “qaýipsizdik úshin memleketter arasyndaǵy saıası-áskerı ynty­maq­tastyq, ekonomıka jáne ekolo­gııa salalaryndaǵy parasatty bas­qa­rý, zań ústemdigi qaǵıdatyn, adam quqyqtaryn jáne demokra­tııalyq quqyqtardy, sondaı-aq negizgi bos­tandyqtardy saqtaý qajet deıtin senimge negizdeletin” qaýipsizdikke degen jan-jaqty kózqarastyń qundylyǵy týraly málimdedi. De Brıshambo sondaı-aq Aýǵan­standaǵy jáne onymen kórshiles óńirlerdegi qaýipsizdikti ornyq­tyrýda EQYU júrgizip jatqan jumystarǵa toqtaldy. Aýǵanstan 2003 jyldan bastap EQYU-nyń yntymaqtastyq jónindegi áriptesi bolyp tabylady. EQYU janyndaǵy Grekııa elshisi, Azııalyq baılanys toby­nyń tóraıymy Mara Marınakı yntymaqtastyq jónindegi Azııalyq áriptester konferensııasyna alǵash ret qatysyp otyrǵan Avstralııany quttyqtady. Bul eldiń múddeliligi “EQYU-nyń tartymdylyq kúshin jáne Azııalyq baılanys tobynyń ómirsheńdigin dáleldeıdi”, dep atap ótti Marınakı. Konferensııa aıasyndaǵy bir otyrys qaýipsizdik máselesine áıelder qosyp otyrǵan úleske arnaldy. EQYU-nyń Azııalyq áriptestigi aıasynda mundaı shara alǵash ret ótkizildi.