«Qazgıdromet» RMK maýsymnyń 15-i kúngi aýa raıy boljamyn jarııalady, dep habarlaıdy Egemen.kz.
Qazaqstan terrıtorııasynyń basym bóligi áli de sıklonnyń jáne onymen baılanysty atmosferalyq aǵyndardyń yqpalynda bolady. Soǵan baılanysty kún raıy qubylyp turady. Naızaǵaımen birge jańbyr jaýady, sonymen birge burshaq jaýyp, daýyl turady. Elimizdiń ońtústiginde, shyǵysynda nóser jańbyr jaýady. Tek elimizdiń batysynda ǵana kún ashyq bolady.
Respýblıka boıynsha jel kúsheıip, eldiń ońtústik-batysynda shańdy daýyl turady. Soltústik Qazaqstan oblysynyń soltústiginde, shyǵysynda burshaq jaýyp, daýyl turady. Túnde soltústikte, shyǵysta, kúndiz oblystyń basym bóliginde jel sekýndyna 15-23 metrge deıin kúsheıedi.
Tańerteń jáne kúndiz Almaty oblysynyń soltústiginde, ońtústiginde, shyǵysynda, taýly aýdandarynda jel 15-25 m/s-qa deıin kúsheıedi. Jambyl oblysynyń taýly aýdandarynda burshaq jaýyp, daýyl turady, oblystyń ońtústik-batysynda, soltústik-shyǵysynda jáne taýly aýdandarynda jel 15-23 m/s jyldamdyqpen soǵady.
Túnde Shyǵys Qazaqstan oblysynyń batysynda, soltústiginde, shyǵysynda, kúndiz basym bóliginde burshaq jaýyp, daýyl turady. Oblystyń batysynda, soltústiginde, shyǵysynda jeldiń jyldamdyǵy sekýndyna 15-23 metrge jetedi. Túnde Qostanaı oblysynyń soltústik-batysynda tuman túsip, kúndiz soltústik-shyǵysynda, shyǵysynda jel 15-20 m/s jyldamdyqpen soǵady.
Mańǵystaý oblysynyń batysy men soltústiginde shańdy daýyl turyp jel sekýndyna 15-20 metrge deıin kúsheıedi. Túrkistan oblysynyń taýly aýdandarynda daýyl turyp jeldiń jyldamdyǵy sekýndyna 15-20 metrge deıin jetedi. Pavlodar oblysynyń soltústiginde, ońtústiginde, shyǵysynda, kúndiz Qyzylorda oblysynyń ortalyǵynda, Pavlodar oblysynyń soltústiginde, batysynda, Aqmola oblysynyń soltústiginde, shyǵysynda jel 15-20 m/s-ke deıin kúsheıedi.
Kúndiz Mańǵystaý oblysynyń ońtústiginde 40 gradýs aptap ystyq bolady. Qyzylorda oblysynda, Shyǵys Qazaqstan, Almaty oblystarynyń batysynda, Aqtóbe oblysynyń ońtústiginde, shyǵysynda, Qostanaı oblysynyń ońtústiginde, Qaraǵandy oblysynyń batysynda, shyǵysynda tótenshe órt qaýpi saqtalady.