Maımyl sheshegi álemniń 39 memleketinen anyqtaldy, dep habarlaıdy Egemen.kz Dúnıejúzilik densaýlyq saqtaý uıymynyń (DDU) saıtyna silteme jasap.
DDU álemde maımyl shesheginiń taraý jaǵdaıyn talqylaý maqsatynda tótenshe komıtet ókilderiniń basyn qospaq.
DDU-nyń Bas dırektory Tedros Adan Gebreıesýs maımyl shesheginiń taraý qarqyny alańdatarlyq jaǵdaıda ekenin aıtty. Komıtet májilisinde maımyl shesheginiń álem turǵyndaryna qaýipi talqylandy.
Halyqaralyq uıymnyń bas dırektorynyń sózinshe, DDU ókilderi maımyl shesheginen jappaı vaksınalanýdyń qajeti joq ekenin aıtyp otyr.
Jyl basynan beri álemniń 39 memleketinde atalǵan dertti juqtyrǵandar sany 1,6 myń adamdy qurap otyr, taǵy 1,5 myń adam aýrýdy juqtyrýy múmkin degen boljam bar.
Osyǵan deıin maımyl sheshegin juqtyrǵandar sany Eýropa men Soltústik Amerıkada 780-ge deıin kóbeıgeni aıtyldy.