Munaıdy zańsyz satyp alý, saqtaý jáne ótkizý faktisi boıynsha Qaraǵandy oblysynyń turǵyny sottaldy, dep habarlaıdy Egemen.kz Qarjy monıtorıngi agenttiginiń baspasóz qyzmetine silteme jasap.
«S.V. Shmıdt óz úıiniń aýmaǵyndaǵy garajda qujatsyz munaı ónimderin saqtaý jáne ótkizý úshin úsh sısternany paıdalanǵan. 2021 jyly ol dızeldik otyndy tasymaldaýǵa jáne ótkizýge arnalǵan júk-jolaýshy tıpti kólikti qaıta jóndeýden ótkizgen. Kólikke árqaısysynyń kólemi 1 000 lıtr bolatyn eki sısterna ornatylǵan», delingen QMA habarlamasynda.
Sondaı-aq «Munaı ónimderiniń jekelegen túrlerin óndirýdi jáne olardyń aınalymyn memlekettik retteý» týraly Zańynyń talaptaryn buzǵan. Munaı ónimderin zańsyz satyp alý, saqtaý jáne ótkizýdi iske asyrǵany úshin S.V. Shmıdtke Sot úkimimen qoǵamdyq jumystarǵa tartý túrindegi jaza taǵaıyndaldy. Sonymen qatar qylmystyq quqyqbuzýshylyq jasaǵany úshin kináli dep tanyldy.
QMA málimetinshe, sot sheshimimen tintý kezinde tárkilengen dızeldik otyn memleket paıdasyna jaratylady.
Aıana Toǵanbek