Prezıdent Qasym-Jomart Toqaev «Rossııa-24» telearnasyna bergen suhbatynda EAEO, UQShU, ShYU syndy uıymdar týraly aıtty, dep habarlaıdy Egemen.kz.
«Qazaqstan osy ıntegrasııalyq birlestikterdegi óz qyzmetin qoldaıdy. Qazaqstannyń EAEO, UQShU-dan shyǵý nıeti týraly barlyq áńgimeler shyndyqqa múldem sáıkes kelmeıdi», dedi Prezıdent suhbat barysynda.
Sondaı-aq ol UQShU-ǵa qatysty ustanymyn aıta ketti.
«UQShU-ǵa keletin bolsaq, men Máskeýde sóz sóıledim, UQShU-nyń 30 jyl ishinde alǵash ret Qazaqstanǵa shekteýli kontıngentti jiberý arqyly ózin qandaı da bir túrde kórsetkenin aıttym. Bul rette Reseı emes, UQShU-ny atap ótemin. Reseıde keıbir adamdar bul jaǵdaıdy Reseı Qazaqstandy qutqardy, al Qazaqstan endi máńgi qyzmet etip, Reseıdiń aıaǵyna taǵzym etýi kerek deıdi. Meniń oıymsha, bul shyndyqtan múldem alys. Dál osy UQShU-da Qazaqstan belsendi qatysýshy. Buryn bul uıym sammıtter ótkizýmen, deklarasııalarǵa qol qoıýmen aınalysqan. Iаǵnı, uıym ózin tıimdi kórsetti», dedi Qasym-Jomart Toqaev.
Sondaı-aq Memleket basshysy EAEO da Qazaqstan úshin mańyzdy uıym ekenin aıtty.
«EAEO-ǵa keletin bolsaq, meniń oıymsha, bul óte mańyzdy uıym. Men Bishkekte ótken ekonomıkalyq forým otyrysynda bul ózara ymyrany talap etetin óte kúrdeli eńbek ekenin aıttym. О́ıtkeni ár el óz ustanymyn qorǵaýdy qajet dep sanaıdy. Bul qalypty jaǵdaı. Sol sebepti EAEO-daǵy bizdiń ókilderimiz el múddesin barynsha tabandy qorǵap keledi», dedi Q.Toqaev.