Shaıbaly hokkeıden Qurlyqtyq hokkeı lıgasynda (QHL) óner kórsetetin elordalyq «Barystyń» bas bapkeri Iýrıı Mıhaılıs qyzmetinen ketip, onyń ornyna Belarýs mamany Andreı Skabelka keldi.
1971 jyly Mınskide dúnıege kelgen Andreı Skabelka 2018-2020 jyldary «Barysty» baptap, QHL-da aıtarlyqtaı nátıjege qol jetkizdi. Iаǵnı onyń qolastynda elordalyq komanda qatarynan eki maýsym boıy Chernyshev dıvızıonynda kósh bastap, Gagarın kýbogynyń shırek fınalyna deıin jetti. 2020 jylǵy maýsymda Skabelkada bul kórsetkishin jaqsartatyn tamasha múmkindik bolǵan edi. Alaıda sol jyly koronavırýs pandemııasy bastalyp, «Barys» jartylaı fınal básekesin oınaýdan bas tartqan-dy.
2020 jyly «Barystan» ketken soń Belarýs mamany bir jyl Iаroslavldiń «Lokomotıv» klýbyn jattyqtyrdy. Biraq ol jerde komandasyn órge súıreı almady. Sóıtip, 2021 jyldyń qyrkúıeginde jumysynan ketti. Endi, mine, araǵa eki jyl salyp Skabelka «Barysqa» qaıta oraldy.