Ulytaýda ótip jatqan Ulttyq quryltaıdyń I otyrysynda Memleket basshysy Qasym-Jomart Toqaev memleketimizdiń ataýyn ózgertý usynystary jaıly pikir bildirdi, dep habarlaıdy Egemen.kz.
«Keıbir azamattarymyz referendým kezinde memlekettiń ataýy da ózgerýge tıis edi degen pikir aıtyp júr. Olar «Qazaqstan» ataýyndaǵy «-stan» sózin elimizge de, búkil Azııaǵa da jat uǵym dep sanaıdy. Muny da qısyndy dep aıtýǵa bolmaıdy. Sebebi, álemde dál osyndaı Pákistan, Úndistan, Aýǵanstan jáne Ortalyq Azııa memleketteri bar», dedi Prezıdent.
Memleket basshysynyń aıtýynsha, memleketimizdiń ataýyn ózgertý - jaýapsyz sheshim.
«Eń basty másele, biz Táýelsiz elimiz – Qazaqstan Respýblıkasy atynan 30 jyl ishinde kóptegen halyqaralyq kelisimsharttarǵa qol qoıdyq, memlekettik shekaramyzdy bekittik. Osyndaı jaǵdaıda memleketimizdiń ataýyn ózgertý jaýapsyz sheshim bolar edi. Bul – eń aldymen, ulttyq qaýipsizdigimizge jáne halqymyzdyń beıbit ómirine tikeleı áseri bar óte mańyzdy másele», dep túıindedi Qasym-Jomart Toqaev.