Qazaqstannyń juptyq syndaǵy birinshi, álemniń 21-raketkasy Anna Danılına Madrıd qalasynda ótip jatqan ITF W60 týrnıriniń jartylaı fınalyna ótti, dep habarlaıdy Egemen.kz.
Jarystyń birinshi raketkalary bolyp tirkelgen A.Danılına men reseılik Anastasııa Tıhonova shırek fınalda bolgarııalyqtar Aleksa jáne Lııa Karatanchevalarmen sheberlik baıqasty. Qazaqstandyq-reseılik jup qarsylastaryn 6:3, 6:1 esebimen tize búktirdi. Báseke bir saǵattan sál astam ýaqytqa sozyldy. A.Danılına men A.Tıhonova fınalǵa shyǵý úshin dodanyń 4-raketkalary, majarstandyq Tımeıa Babosh – reseılik Valerııa Savınyhpen oınaıdy.Sondaı-aq, Grıgorıı Lomakın juptyq synda Blýa (Fransııa) chellendjer týrnıriniń shırek fınalyna shyqty. Lomakın ýkraınalyq Vladıslav Manafovpen birge bastapqy kezdesýin osy jarystyń birinshi raketkalary, aýstrııalyq Aleksandr Erler – fransııalyq Albano Olıvettımen ótkizdi. Qazaqstandyq-ýkraınalyq jup eki saǵatqa jýyq ýaqytqa sozylǵan matchta 7:6 (7:5), 6:7 (4:7), 10:5 esebimen jeńiske jetti. G.Lomakın men V.Manafov jartylaı fınalǵa shyǵý úshin úndistandyqtar Shrırambalaı Naraıanasvamı – Djıvan Nedýnchejııanmen kezdesedi.
Aıana Toǵanbek