Ýkraınadaǵy qaqtyǵys saldarynan álemde alǵash ret úılerin tastap ketýge májbúr bolǵan adamdardyń sany 100 mıllıonnan asty. Birikken Ulttar Uıymy áskerı shıelenisten týyndaǵan asharshylyq bosqyndar sanynyń budan da artýyna ákelýi múmkin ekenin alǵa tartady. BUU málimetinshe, Eýropadaǵy ýkraınalyq bosqyndar sany 4,8 mıllıon adamnan asty.
Kıevke Fransııa, Germanııa jáne Italııa basshylary keldi. Fransııa prezıdenti Emmanýel Makron bul sapardy eýropalyq birliktiń sımvolyna balady. Germanııa kansleri Olaf Shols óz sózinde bul sapar Ýkraınaǵa jáne onyń halqyna kómektesýge jáne qoldaýǵa degen yntymaq pen nıetti kórsetetinin atap ótti. Onyń aıtýynsha, qart qurlyq Ýkraınaǵa qarjylyq jáne gýmanıtarlyq kómek kórsetýdi jalǵastyra bermek. Sondaı-aq Kıevke Rýmynııa prezıdenti Klaýs Iohannes ta keldi. Ol Ýkraına prezıdenti Volodımır Zelenskııge jáne ýkraın halqyna qoldaý bildirý úshin kelgenin jazdy.
Ulybrıtanııa barlaý qyzmeti Ýkraınadaǵy ahýalǵa qatysty tyń málimetterimen bólisti. Máselen, Severskıı Donesk ózeninen Severodoneskige baratyn úsh kópir de qıratylǵan. Degenmen Ýkraına áskerı kúshteriniń basym bóligin qaladan shyǵaryp úlgergen. О́zenniń shyǵysyna bekingen ýkraınalyq kúshter men beıbit turǵyndar úshin jaǵdaı óte qıyn kúıinde qalyp otyr.
Sondaı-aq Ulybrıtanııa barlaý qyzmeti Reseıdiń Donbasstaǵy áskeriniń quramy bytyrap, álsirep bara jatqanyn habarlady. Keltirilgen málimetke súıensek, ádette 600-800 adamnan turatyn keıbir batalondyq taktıkalyq komandalarda 30 jaýynger ǵana bar.
Qazirgi tańda basty qaqtyǵys Severodoneski qalasy úshin júrip jatyr. Sondyqtan da eki tarap ta shaǵyn pehotalyq toptar arqyly shaıqas júrgizedi. Biraq reseılikter tankisiniń kóptigin mundaı jaǵdaıda qoldana almaıdy. Sonyń saldarynan Reseı áskeriniń alǵa jyljýy báseńdegen.
«Reseıdiń Ýkraınaǵa basyp kirýinen keıin kúsheıgen jahandyq azyq-túlik daǵdarysyn eńserý áreketteri qonys aýdarýyna jol bermeý úshin mańyzdy», dedi BUU-nyń bosqyndar isi jónindegi Joǵarǵy komıssary Fılıppo Grandı.
Ulybrıtanııa premer-mınıstri Borıs Djonson Ýkraına prezıdenti Volodımır Zelenskıımen telefon arqyly sóılesti. Áńgime barysynda aldaǵy ýaqytta Ýkraın astyǵyn eksporttaý máselesi sóz boldy.
Reseıdiń Qara teńiz ben Azov teńizindegi porttardy jaýyp tastaýy saldarynan Ýkraına 22 mıllıon tonna astyqty eksporttaı almaı otyr. О́tken aptada BUU-daǵy Reseıdiń turaqty ókili Vasılıı Nebenzıa teńiz arqyly Ýkraına astyǵyn eksporttaıtyn kemelerdiń qaýipsizdigin qamtamasyz etýge daıyn ekenin málimdegen. Onyń sózine súıensek, aldymen port mańyn mınalardan tazartý kerek.
Túrkııanyń TRT telearnasy Reseı, Ýkraına jáne Túrkııa Ýkraına porttarynan astyq eksporttaý máselesi boıynsha qorǵanys mınıstrlikteri arqyly shuǵyl baılanys arnasyn qurǵanyn habarlady.
Reseı prezıdenti Vladımır Pýtın buǵan deıin Kıev óz porttaryn mınalardan tazartsa, Máskeý ýkraındyq astyqty tasymaldaıtyn kemelerdiń kedergisiz ótýine kepildik beretinin málimdegen. Sondaı-aq Reseıdiń baqylaýyndaǵy Berdıansk jáne Marıýpol sııaqty porttar arqyly taýarlardyń eksportyn qamtamasyz ete alatynyn aıtqan.
Biraq Ýkraına tarapy Kremldiń ýádesine senip otyrǵan joq. Sarapshylardyń aıtýynsha, buǵan negiz jeterlik. Alda-jalda Ýkraına portty qalalary mańyn mınalardan tazartsa, Reseı osy sátti paıdalanyp jaǵaǵa jaqyn kelip soqqy jasaýy múmkin. Sondyqtan resmı Kıev basqa memleketterdiń kepildigin talap etip otyr.
AQSh armııasy Birikken shtabynyń tóraǵasy Mark Mıllıdiń pikirinshe, Ýkraınadaǵy qaqtyǵys bastalǵaly Reseı áskeri brondy tehnıkasynyń 20-30 paıyzynan aıyrylǵan. Onyń aıtýynsha, áskerı qaqtyǵysta «jeńis sandarmen emes, olardy durys qoldanýmen qamtamasyz etiledi».
Generaldyń sózine sensek, Reseı jaýyngerleri qarsylas baǵytqa betaldy oq jaýdyrady. Sonyń saldarynan beıbit turǵyndar kóptep zardap shegip jatyr. Alaıda Ýkraına jaýyngerleriniń kásibıligi joǵary ekenin jetkizdi. Osylaısha, ýkraınalyqtar artıllerııany jaqsy meńgerip, manevr jasap, óte tıimdi áskerı is-qımyl jasap otyr.