Aqparat jáne qoǵamdyq damý vıse-mınıstri Aleksandr Danılov Almaty qalasyna jumys sapary barysynda shahardyń belsendi jastarymen kezdesti. Almaly aýdandyq Jastar resýrstyq ortalyǵynda ótken sharaǵa stýdentter men volonterler qatysty.
El jastarynyń eń aýqymdy bóligi shoǵyrlanǵan megapolıstiń barlyq 8 aýdanynda da jastar resýrstyq ortalyqtary jumys isteıdi. Jastardy jumyspen qamtý, eldiń saıası-mádenı ómirine, qoǵamdyq jumystarǵa beıimdeý maqsatynda qurylǵan jobaǵa myńdaǵan azamat tartylǵan. Qalanyń 14 pen 29 jas aralyǵyndaǵy kez kelgen turǵyny óziniń turǵylyqty meken-jaıyna jaqyn aýmaqta ornalasqan jastar ortalyǵyna baryp, túrli úıirmelerge tegin qatysyp, baǵyt-baǵdar alý múmkindigine ıe. Tap osy jazǵy demalys maýsymynda eki myńǵa tarta jas «Jasyl el» baǵdarlamasyna qatysýǵa ynta bildirgen.
Erteńinen úmit kútken el eń aldymen, qoǵamdaǵy jastar máselesine kóńil bóletinin aıtqan vıse-mınıstr, Qazaqstandaǵy jastar saıasaty qoǵamnyń izgilenýine aıtarlyqtaı úles qosyp kele jatqanyn málimdedi. Bul turǵyda jastardy jalań uranshyldyqqa emes, naqty isterge baýlýdyń mańyzy zor. Sebebi búgingi jastardyń oı-órisi, saıası tanymy, progreske umtylýy men kózqarasy múlde bólek. Olar pikirin ashyq aıtýǵa beıimdelgen. Zaman aǵymyna saı jan-jaqtylyq ta olarǵa tán. Sondyqtan Jańa Qazaqstanda jastar saıasaty jastardy saıası qural retinde emes, olardyń negizgi máselelerin sheshýge beıimdelýi kerek. Memleket jastardyń saıası saýatty bolýyna múddeli. Erkin formatta órbigen basqosýda osy máseleler keńinen talqylandy.
– Bizdiń sizdermen ashyq áńgime qurýdaǵy maqsatymyz jastar resýrstyq ortalyqtarynyń jumysymen tanysý ári ondaǵy kemshilikterdi retteý. Jastardyń belgili bir maqsatqa jetýi jolynda birigýi memlekettiń bolashaǵyn aıqyndaıdy. Demokratııalyq memlekette jastar erkin oıly hám saıası saýatty bolýǵa tıis. Memleket ómirindegi kez kelgen oqıǵa olardyń ómirinen tys qalmaýy kerek. Jastarǵa jaǵdaı jasaý, olardy durys arnaǵa salyp jol kórsetý memlekettik saıasattyń basym baǵyttarynyń biri. Jastardy eldiń rýhanı-mádenı ómirine naqty úles qosýǵa shaqyramyn. Bilimdi urpaq – eldiń bolashaǵy, – dedi A. Danılov.
Qaladaǵy resýrstyq ortalyqtardyń esigi jastar úshin aıqara ashyq. О́tken jyldyń ózinde júzdegen jas ortalyqtyń kómegimen jumysqa ornalasýǵa joldama alǵan. Ásirese múmkindigi shekteýli jastardy qanattandyryp, olardy ońtaıyna keletin kásipke baýlýǵa mol múmkindik qarastyrylǵan.
«Qalamyzdaǵy jastar resýrstyq ortalyqtary óskeleń urpaqtyń áleýmettik jáne tulǵalyq damýyna járdemdesetin ári jastar uıymdarynyń qyzmetine qoldaý kórsetetin birden-bir oryn. Munda jastardy jumysqa turýǵa daıyndaýǵa, sıfrly saýatyn arttyrýǵa, ınnovasııalyq jáne kásipkerlik bilimin jandandyrýǵa járdemdesemiz. Odan bólek jastarǵa pasıhologııalyq, konsýltatıvtik jáne zańdyq turǵydan tegin kómek kórsetiledi. Túrli formatta pikirtalastar uıymdastyryp, kóshbasshy jastardy ózin ózi basqarý uıymdaryna tartamyz. Eń bastysy, memlekettik baǵdarlamamen turǵyn úı alýǵa, ǵylymı-zertteý baǵytyndaǵy jumysyn jandandyrýǵa qoldaý tanytamyz. Almaty qalasynyń jastary óte belsendi», deıdi Almaty qalalyq jastar resýrstyq ortalyǵynyń jetekshisi Alma Qurmanqyzy.
Barlyq salanyń tirshiligin turalatqan pandemııa kezinde almatylyq eriktiler qaýymy qala halqyna aıryqsha qoldaý kórsetti. Judyryqtaı jumylǵan jastar egde jastaǵy turǵyndarǵa as-sý ázirlep, jurtshylyqty karantın talaptaryn saqtaýǵa shaqyrdy. Tipti qala qaqpalaryna qoıylǵan ótkizý beketterinde qaýipsizdik qurylymynyń qyzmetkerlerimen birge sapta turdy.
«Volonterlik – árbir azamattyń mindeti. Kópshilik volonterlikti tegin qyzmet kórsetý nemese bireýge járdemdesý dep biledi. Shynyna kelsek, ár azamat volonter bolýy kerek. Sebebi aınalamyzda kómekke muqtaj adamdar kóp. Áńgime tek materıaldyq kómekke tirelmeıdi, jaı ǵana jyly sóz aıtyp muńaıǵanǵa rýhanı járdem jasaýdyń ózi naǵyz volonterlik. Ári úlken saýapty is. Ár azamat turyp jatqan jeriniń tazalyǵyn saqtap, qoǵamnyń birligin nyǵaıtýǵa sózimen de, isimen úles qosýy kerek. Máselen, jerdegi qoqysty kótergennen azamattardyń arlanbaǵany durys. Saıyp kelgende bul qoǵamnyń izgilenýine qosylǵan úles. Sondyqtan volonterler dep jaýapker-shilik pen mindetti shektemegen jón. Bul barlyǵymyz jumyla atqaratyn sharýa», deıdi belsendi jas Arýjan Asylbek.
Kezdesý sońynda Qazaqstan halqy Assambleıasyna qarasty etno-mádenı birlestikterdiń san salada jetistikke jetken belsendi jastary vedomstvo basshysynyń alǵys hattarymen marapattaldy.
ALMATY