JOBA DA, JOSPAR DA KО́P

Ekibastuz qalalyq kommýnaldyq sha­rýa­shylyq  bóliminiń habaryna qaraǵanda, ótken jyly “Jol kartasy” baǵdarlamasy boıynsha qalaishilik joldardy jóndeýge 800 mıllıon teńge qarjy bólingen. Tozǵan lıftiler iske qosylyp, eskirgen podezder jańaryp qaldy. Bul maqsat jergilikti ákim­diktiń jyl boıyna qabyldaǵan baǵdar­la­malary  men arnaıy keshendi is-shara­la­rynyń nátıjesi dep baǵalandy. Budan ary qaraı atqarylǵan kóptegen jumystar­dyń tizbesi elimizde júrgizilgen “Jol kar­ta­sy” baǵdarlamasyna oraı jalǵasyn tapty. Kenshiler qalasynda, óndiristi óńir bolǵandyqtan, jumys az emes. Júzege asy­rylatyn joba da, jospar da kóp. Qalalyq kásipkerlik bóliminiń habaryna qaraǵanda, bir ǵana “Jol kartasy” baǵdarlamasy boı­yn­sha  qala men aýyldarda 79 áleýmettik sala mekemeleri iske qosylyp, osy is ba­ry­synda 2,5 myń jańa jumys ornyn qu­rýǵa  múmkindik týsa, 2449 jumyssyz  71 ká­siporynǵa  áleýmettik jumys ornyna ju­mysqa turypty. Qala ákimdigi “Jol kartasy” memlekettik baǵdarlamasyn iske asyrý maqsatynda, eń bastysy, turǵyn úı-kommýnaldyq sharýashylyq salasyna basa nazar aýdardy. Qalaǵa qarasty aýyldyq aýmaqtardy sýmen qamtamasyz etý qaıta jańǵyrtylsa, bul úshin respýblıkalyq jáne jergilikti bıýdjetten 1 mlrd. 861 mıllıon teńge, sonyń ishinde “Jol karta­sy” boıynsha 955 mıllıon teńge bólindi. Uzyndyǵy 20,8 shaqyrym bolatyn sý-arna  jelilerin paıdalanatyn 10 mekeme,  146 kóp qabatty turǵyn úıdiń    ystyq jáne sýyq sýmen jabdyqtaý júıeleri jóndeldi. Sonymen qatar, 18,8 shaqyrym bolatyn aýdandyq mańyzy bar GRES-1 – Tórtúı–Taı aýyldary aralyǵy,  GRES-1–Bas­qa­mys aýyly  joldaryna  jóndeý  júrgizildi. Qalanyń Jeleznodorojnaıa, Á.Marǵulan, Energetıkter, S.Toraıǵyrov, D.Qonaev atyndaǵy kósheleri jóndeldi. О́tken jyly 63 lıftige kúrdeli jóndeý júrgizildi, 12 lıft jańadan quryldy. Bos qalǵan  23 úıdiń 3-ýi qaıta qalpyna keltirilip,  paı­dalanýǵa berildi. Al,  qazirgi tańda “Bıset ı K” seriktestigi Energetıkter kóshesi №36 úıdegi toǵyz qabatty úıdi qalpyna keltirýde. Bıylǵy jyly “Jol qartasy” baǵdarlamasy aıasynda 3 mektepke 70,0 mıllıon teńgege kúrdeli jóndeý júrgizi­le­tin bolsa, 295, 8 mıllıon teńgege  qalanyń uzyndyǵy 4,8 shaqyrym bolatyn shetkeri kóshelerin jáne sý-kárizdik jelilerin jóndeý jumystary ary qaraı jalǵasady. Farıda BYQAI, Pavlodar oblysy.