Qarjylyq monıtorıng agenttigi ınternette jalǵan qarjy kompanııalary kóbeıip bara jatqandyǵyn eskertti, dep habarlaıdy Egemen.kz.
Olar azamattarǵa «Qazmunaıgaz», «Teńizshevroıl» munaı kompanııalary, «Báıterek Invest» memlekettik sıfrlyq platformasy, jáne Kaspi bank sııaqty iri jobalarǵa aqsha salýdy usynyp, joǵary jáne passıvti kiristilikke ýáde beredi. Alaıda, munyń bári jalǵan aqparat.
«Azamattardy sendirý úshin alaıaqtar belgili kompanııalar men bankterdiń, aqparattyq portaldardyń logotıpterin paıdalanady, sonymen qatar belgili tulǵalardy qatysýshy retinde kórsetedi. Mundaı jarnamalardyń barlyǵy jalǵan, shyndyqqa janaspaıdy jáne qarjylyq pıramıdanyń belgileri bar», dep jazdy vedomstvo.