Qyzylorda oblysy ákiminiń mindetin atqarýshy M.Jaıymbetovtyń №572 qaýlysyna sáıkes «Qaısar» Qyzylorda oblystyq fýtbol klýby» JShS dırektory mindetin ýaqytsha atqarýǵa Sadyq Mustafaev taǵaıyndaldy, dep habarlaıdy Egemen.kz.
Jańa dırektordy oblystyq mádenıet jáne sport basqarmasynyń basshysy Rýslan Rústemov tanystyrdy. Ol fýtbol klýbynyń aldynda turǵan mindetterdi atap, jańa basshyǵa artylar amanat aýqymdy ekenin jetkizdi. Sóıtip, Sadyq Mustafaevqa sáttilik tiledi.
Al Sadyq Shońmurynuly «Qaısardyń» bul maýsymda birinshi lıgadan Premer-lıgaǵa shyǵýyna barynsha atsalysatynyn, klýbtyń qarajat máselesin sheshýge múmkindik qarastyratynyn aıtyp, komanda jaýapkershiligi ortaq ekenin jetkizdi.