Kezdesý barysynda taraptar Qazaqstan men Iran arasyndaǵy qatynastardyń qazirgi jaǵdaıy men damý perspektıvalaryn jan-jaqty talqylady, dep habarlaıdy Egemen.kz Aqordanyń baspasóz qyzmetine silteme jasap.
Kólik jáne logıstıka, ónerkásip, aýyl sharýashylyǵy salalaryndaǵy saýda-ekonomıkalyq yntymaqtastyqty, sondaı-aq mádenı-gýmanıtarlyq baılanystardy nyǵaıtýǵa erekshe nazar aýdardy.
Qasym-Jomart Toqaev Iran delegasııasyna iltıpat bildire otyryp, bıyl eki el arasyndaǵy dıplomatııalyq qatynasqa 30 jyl tolǵanyn atap ótti. Onyń aıtýynsha, osy merzim ishinde elderimiz tyǵyz memleketaralyq yntymaqtastyq ornatty.
– Biz tatý kórshilik pen berik dostyqqa negizdelgen syndarly saıası dıalog qurdyq. Eki el arasynda aýqymdy sharttyq-quqyqtyq baza qalyptasty. 60-tan astam kelisim jasaldy. Úkimetaralyq ekonomıkalyq komıssııa belsendi jumys atqarýda. Biz endi Birlesken saýda palatasyn qurýdy josparlap otyrmyz. Parlamentaralyq baılanystar jolǵa qoıyldy. О́ńiraralyq kooperasııa nyǵaıa túsýde. Halyqaralyq uıymdar aıasynda tyǵyz áriptestik ornattyq, – dedi Qasym-Jomart Toqaev.
Memleket basshysy ekonomıkalyq yntymaqtastyqtyń perspektıvalary týraly aıta kele, bıyl birinshi toqsanda ekijaqty taýar aınalymy qarqyndy damı túskenine, elderimiz arasyndaǵy ózara saýda-sattyq kórsetkishin arttyrý mańyzdy ekenine toqtaldy.
Budan bólek, Memleket basshysy kólik jáne logıstıka salasynyń, atap aıtqanda «Qazaqstan – Túrikmenstan – Iran» temirjolynyń úlken áleýeti bar ekenine nazar aýdardy. Sondaı-aq Prezıdent Kaspııdegi teńiz aılaqtarynyń tranzıttik-eksporttyq múmkindigin tolyq paıdalaný kerek ekenin atap ótti. Aqtaý jáne Quryq, Amırabad jáne Anzalı aılaqtarynyń áleýeti zor.
Aýyl sharýashylyǵy – eki el arasyndaǵy ekonomıkalyq yqpaldastyqtyń negizgi baǵyttarynyń biri. Bul rette, Qasym-Jomart Toqaev Irannyń birqatar kompanııasy iri qara mal ósirý, et óńdeý, sút ónimderin shyǵarý jáne kúrish ósirý baǵyty boıynsha Qazaqstanda tabysty jumys istep jatqanyn atap ótti. Osyǵan baılanysty Memleket basshysy Qazaqstan tarapynyń Iranǵa tasymaldanatyn otandyq aýyl sharýashylyǵy ónimderiniń nomenklatýrasyn keńeıtýge daıyn ekenin málimdedi.
Sonymen qatar Memleket basshysy jeńil ónerkásip, agroónerkásip kesheni salalaryndaǵy birlesken jobalardy júzege asyrýǵa nıetti ekenin jetkizdi.
Qazaq-ıran qatynastaryn nyǵaıtýda mádenıet salasyndaǵy yqpaldastyq erekshe ról atqarady. Osy rette Irandaǵy qazaq dıasporasy eki el arasyn baılanystyrýshy altyn kópir bolady. Qasym-Jomart Toqaev tarıhty zertteý jáne tarıhı derekter almasý baǵytyndaǵy yntymaqtastyqty nyǵaıtý perspektıvasyna da toqtaldy.
О́z kezeginde Ibrahım Raısı Qasym-Jomart Toqaevqa jáne qazaqstandyq delegasııaǵa iltıpat bildire otyryp, Memleket basshysynyń bul resmı sapary ekijaqty yntymaqtastyqtyń barlyq baǵyty boıynsha qazaq-ıran qatynastaryn damytýda jańa betburys bolatynyn jetkizdi.
– Sizdiń saparyńyz saýda-ekonomıkalyq yntymaqtastyqty, sonyń ishinde kólik-tranzıt, znergetıka, aýyl sharýashylyǵy jáne týrızm salalaryn damytýǵa tyń serpin beretinine senimdimin, – dedi Ibrahım Raısı.
Kezdesý sońynda Memleket basshysy Iran Prezıdentin Qazaqstanǵa saparmen kelýge shaqyrdy.
Kelissóz qorytyndysy boıynsha Qasym-Jomart Toqaev pen Ibrahım Raısı ekijaqty yntymaqtastyqty jańa deńgeıge kóterýge baǵyttalǵan Birlesken málimdemege qol qoıdy.