Taldyqorǵan qalasyndaǵy Nazarbaev zııatkerlik mektebiniń oqýshylary 10 jyldan beri qoǵamǵa qyzmet etetin áleýmettik jobalardy belsendi túrde júzege asyryp keledi eken. Iаǵnı bul mektepte jyl boıy qoǵamǵa qyzmet etetin áleýmettik jobalar reti túrli ıgi is-sharalar túrinde júzege asyrylady. Olardyń qatarynda «Mektepke jol», «Dosyńa kitap syıla», «Ardagerdi quttyqta» sııaqty is-sharalar óte tanymal.
– Mundaı áleýmettik jobalar bizdiń mektebimizdiń mańyzdy jumys baǵytynyń biri. Oqýshylardyń belsendi ómirlik ustanymy bar, olar óz aımaǵynyń tirshiligi men máselelerin biledi. Otansúıgishtik, jalpyadamzattyq qundylyqtarǵa degen adaldyq ár sabaqta boılaryna sińirilip, jalpy jan-jaqty damyǵan tulǵany qalyptastyrady, – deıdi mekteptegi
áleýmettik jobalardyń úılestirýshisi Janar Orazbaeva.
Aıtpaqshy, «Aınalaıyn» balalar úıi, Ońaltý ortalyǵy, nashar estıtin jáne sańyraý balalarǵa arnalǵan mektep-ınternaty, M.Mámetova atyndaǵy aýyldyq mektep, «Analar úıi», «Ardagerler úıi», «Birgemiz bilim» eriktiler uıymymen tize qosyp jumys isteý Nazarbaev zııatkerlik mektebi oqýshylarynyń dástúrine aınalǵan eken.
– Oqýshylarymyzǵa kelgen kezde biz matematıka, aǵylshyn jáne qazaq tilderin úırený sabaqtaryn ótkizemiz, tanymdyq saıystar, vıktorınalar, ashyq aýada oıyndar uıymdastyramyz. Osynyń bári maǵan úlken qýanysh syılaıdy, eń bastysy, men óz memleketimniń azamaty ekenimdi jáne ómir boıy qoǵamǵa óz úlesimdi qosýym kerek ekenin túsinemin, oqýshy retinde jaýapkershilikti sezinemin, – deıdi 10-synyp oqýshysy Aıǵanym Tynyshan.
Al jaqynda Baılanys jáne aqparat qyzmetkerleri kúni qarsańynda medıa-marafon uıymdastyryldy. Bul is-sharada jas eriktilerdiń jumysyn Jetisý óńiriniń BAQ ókilderi tamashalady. Medıa-marafon úısiz qalǵan janýarlarǵa arnalǵan úıshik salý sheberlik saǵatynan bastaldy. Odan ári eriktilerdiń jumysy Taldyqorǵandaǵy «Aınalaıyn» balalar úıiniń jazǵy lagerine jáne oblystyq mamandandyrylǵan «Balalar úıine» saparmen jalǵasty. Munan keıin medıa-marafon dóńgelek ústel formatynda jalǵasyp, yntymaqtastyq jobalary talqylandy. О́z kezeginde mektep dırektory Vıktor Sosın respýblıkalyq jáne oblystyq BAQ jýrnalısterine belsendi jáne jemisti jumystary úshin alǵysyn bildirdi.
– Barsha BAQ ókilderin kásibı merekelerimen quttyqtaımyn. Sizderdiń eńbekterińizdiń arqasynda biz elimizdegi eń ózekti de mańyzdy oqıǵalardan habardar bolyp, qýanyshty da, qaıǵyly da oqıǵalardy bastan keshirip jatyrmyz. Búgin mektebimizdiń mańyzdy baǵyttarynyń biri qoǵamdyq qyzmet etý jobalarymen tanysa alǵandaryńyzǵa qýanyshtymyn. О́ıtkeni qyzmet etý – kúndelikti oryndaıtyn aıryqsha mıssııa, – dedi mektep dırektory Vıktor Sosın óz sózinde.
Jetisý oblysy