QazUÝ-ǵa QS WUR sertıfıkaty tabystaldy

Marapatty TMD jáne Or­talyq Azııa elderi boıyn­sha QS reıtıngtik agenttiginiń aımaqtyq dırektory Sergeı Hrıstolıýbov QazUÝ-dyń bas­­­­qarma tóraǵasy – rektory Janseıit Túımebaevqa tabys­tady.

Sergeı Hrıstolıýbov QazUÝ-dyń sońǵy jyldarda­ǵy jetis­tikterin atap ótip, QS ­ja­handyq reıtıngindegi ta­lap­­tarǵa toqtaldy.

«Ál-Farabı atyndaǵy ­Qaz­UÝ bıyl kóptegen talap­ boıynsha óz kórsetkishte­rin edáýir jaqsartty. Halyq­aralyq deńgeıdegi reıtıngte 150-orynǵa jaıǵasý bul úl­ken kórsetkish jáne jetistik. Mundaı QazUÝ tarıhynda bol­­maǵan. Ýnıversıtettiń damýyna súbeli úles qosyp, eńbek etken oqytýshy-professorlar quramy, ǵalymdar men bar­lyq ujymǵa alǵysymdy bil­dirgim keledi. Bul – sizderdiń eń­bekterińiz. Máselen, siz­der­diń bilim ordalaryńyz d­a­myǵan memleketterdiń ýnı­versıtetteri arasynan oza shy­­ǵyp, aldyńǵy qatarǵa jaı­ǵasty. Bul bilim ordasynda aýqymdy jumystar atqa­ryl­­ǵanyn kórsetedi. Shara aıasynda ýnıversıtettiń al­­daǵy damý josparymen jáne ǵalymdar ázirlegen ǵy­­lymı-ınnovasııalyq jo­bala­rymen tanystyq. Aldaǵy jumystaryńyzǵa tabys ti­leımin», dedi Sergeı Hrıs­tolıýbov.

О́z kezeginde ýnıversıtet basshysy Janseıit Túıme­baev halyqaralyq reıtıng qa­zaqstandyq joǵary oqý oryn­dary úshin jyl saıyn óz kórsetkishterin jetildirýge múmkindik beretinin jetkizdi.

«Bir jyl ishinde oqý ornymyz 175-orynnan 25 pozısııaǵa joǵarylady. QS WUR ja­handyq reıtıngindegi jańa kórsetkishimiz – 150-oryn. Bul – biz úshin úlken jetistik ári joǵary jaýapkershilik. QazUÝ – QS Stars Rating System halyqaralyq reıtınginde «Bes juldyz» marapatyn al­ǵan Ortalyq Azııadaǵy al­ǵash­qy jáne jalǵyz joǵary oqý orny. Sondaı-aq QS by Subject pándik reıtınginde ýnı­­versıtet tórt pán salasy men 16 daıyndyq baǵyty boıynsha úzdikter qatary­na kiredi. Ýnıversıtettiń 137 bilim berý baǵdarlamasy­nyń halyqaralyq deńgeıdegi bá­sekege qabilettiligin dálel­deıdi. Bul ýnıversıtet ujy­mynyń kópjylǵy jáne kún­delikti tynymsyz eńbeginiń nátıjesi», dep atap ótti rektor.

Sondaı-aq ýnıversıtet bas­shysy barlyq ǵalymdar­dy, oqytýshy-professorlar qu­ramy men qyzmetkerler­di qut­tyqtap, bul jetistikpen toq­tap qalmaı, mejeli maq­sattarǵa jetý jolynda tabys­ty eńbek etýge shaqyrdy.

Sonymen qatar is-shara barysynda hımııa jáne hımııalyq tehnologııa fakýltetiniń professory Zulhaır Mansurov, Instituto Universitário de Lisboa professory Postolah Ok­tavıan, Halyqaralyq bilim berý amerıkalyq keńester uıy­mynyń joǵary bilim berý baǵdarlamalarynyń bas­qarýshy dırektory Grem Het­t­lınger, Kolýmbııa ýnı­versıtetiniń doktory Ma­matha Hanýmappa, hımııa jáne hımııalyq tehnologııa fa­kýltetiniń aǵa oqytýshysy Gemıl Ahmat, fızıka-matematıka ǵylymdarynyń doktory, professor Mýzzammıl Ilahı jáne doktorant Arı­fıog­lý Abdýrrahman Zekı QazUÝ ujy­myn quttyqtap, jyly le­bizderin bildirdi.

Aıta keteıik, QS WUR álem­niń úzdik ýnıver­sıtet­teriniń tizimi 2004 jyldan beri jarııalanyp keledi. Aǵymdaǵy jyly reıtıngke álemniń 100 elinen 2,5 myńǵa jýyq JOO qatysqan bolatyn.

Ál-Farabı atyndaǵy QazUÝ-dyń baspasóz qyzmeti