О́tken jyly áleýmettik jáne basqa da mindettemeler tolyq kólemde oryndaldy. Bul týraly Parlament palatalarynyń birlesken otyrysynda 2021 jylǵy respýblıkalyq bıýdjettiń atqarylýy týraly esepti qaraý kezinde Premer-Mınıstrdiń orynbasary – Qarjy mınıstri Erulan Jamaýbaev málim etti, dep habarlaıdy Egemen.kz.
«Úkimettiń esebi Parlament Májilisi men Senatynda egjeı-tegjeıli talqylandy. Ony qaraý kezinde ekonomıkanyń barlyq baǵyty boıynsha júzdegen suraqtar men usynystar berildi. Olar jumys toptary men komıtetterde de talqylandy. Depýtattardyń usynymdary Úkimet jumysynda eskeriledi.
2021 jyly IJО́-niń ósimi 4 paıyzdy qurady. Ekonomıkanyń barlyq negizgi salalarynda oń nátıje boldy. Máselen, ónerkásiptik óndiris kólemi 3,8 paıyzǵa, qurylys salasy 7,6 paıyzǵa, kólik 3,6 paıyzǵa, saýda 9,2 paıyzǵa ósti. Negizgi kapıtalǵa salynǵan ınvestısııalar kólemi 3,5 paıyzǵa ulǵaıdy», dedi E. Jamaýbaev.
Sonymen qatar ol byltyr ınflıasııa 8,4 paıyzdy quraǵanyn eske saldy. Jumyssyzdyq 4,9% deńgeıinde saqtaldy.