Saýda jáne ıntegrasııa mınıstrligi keıbir zańnamalyq aktilerge «Tutynýshylardyń quqyqtaryn qorǵaý máseleleri boıynsha ózgerister men tolyqtyrýlar engizý» týraly zań jobasyn ázirledi, dep habarlaıdy Egemen.kz.
Atap aıtqanda, Azamattyq kodekske básekelestikti shekteýge nemese joıýǵa, tutynýshylardyń quqyqtary men zańdy múddelerine qysym jasaýǵa, josyqsyz básekelestikke baǵyttalǵan qyzmetke tyıym salynatyny týraly túzetýler engizý usynylady.
Sonymen qatar monopolıstik qyzmet zańmen retteledi. Tutynýshylardyń quqyqtary men zańdy múddelerine nuqsan keltiretin sharttyń talaptary mańyzsyz bolady.
Azamattyq kodekste 447-bapqa túzetý engiziledi:
Taýarlardy satý oryndarynda, onyń ishinde elektrondyq saýda alańdarynda qoıý, olardyń úlgilerin kórsetý nemese satylatyn taýarlar týraly málimetterdi (sıpattamalardy, katalogtardy, fototúsirilimderdi jáne t. b.) usyný, satýshy satyp alý-satý shartynyń baǵasy men basqa da eleýli talaptarynyń kórsetilgenine qaramastan, jarııa oferta dep tanylady.
Budan basqa «Qazaqstan Respýblıkasyndaǵy kólik týraly», «Qazaqstan Respýblıkasyndaǵy týrıstik qyzmet týraly», «Saýda qyzmetin retteý týraly», «Turǵyn úı qurylysyna úlestik qatysý týraly» zańdarǵa túzetýler engiziledi.
Zań jobasy 8 shildege deıin Ashyq NQA saıtynda jarııa talqylaý úshin ornalastyrylǵan.