Qarjy mınıstri Erulan Jamaýbaev QR Parlamenti palatalarynyń birlesken otyrysynda Esep komıtetiniń Ulttyq qordan beriletin nysanaly transfertterdiń somasyn ulǵaıtý týraly eskertýine túsinikteme berdi, dep habarlaıdy Egemen.kz.
«Esep komıteti Ulttyq qordan beriletin nysanaly transfertter somalarynyń ulǵaıýyn baıqaýda. Aǵymdaǵy shyǵyndardy qarjylandyrýǵa erekshe nazar aýdaryldy. Sonymen qatar transfertterdiń ósýi áleýmettik mindettemelerdi, daǵdarysqa qarsy sharalardy, memlekettik baǵdarlamalardy qarjylandyrý jáne jalǵasyp jatqan pandemııa jaǵdaıynda ekonomıkadaǵy iskerlik belsendilikti qoldaý qajettiligine negizdelgen», dedi Qarjy mınıstri.
Sonymen qatar ol ótken jyly Ulttyq qorǵa munaı sektorynan túsetin tikeleı salyq túsimderiniń kólemi ótken jylmen salystyrǵanda 1,8 ese artqanyn atap ótti.
Sonymen qatar, mınıstr 2022 jyldan bastap kepildendirilgen transfert mólsherin anyqtaý kontrsıkldik bıýdjet erejesine negizdeletinin aıtty.
«Jańa tásilderge sáıkes qarjyny Ulttyq qordan bıýdjetke baǵyttaý Qordyń munaı sektorynan túsetin kiristerinen aspaıdy. Budan basqa bıýdjet shyǵystaryna shekteýler qabyldandy. Bul onyń qordyń jınaqtaý fýnksııasyn kúsheıte otyryp, aktıvterdi kóbirek jınaqtaýǵa múmkindik beredi», dep qosty E.Jamaýbaev.