Batys Qazaqstan oblysynyń ákimi Ǵalı Esqalıev tok soǵyp, eki qolynan aırylǵan balaǵa qatysty tergeý júrgizilip jatqanyn habarlady, dep jazady Egemen.kz.
Oblys basshysy balanyń jaǵdaıymen jeke baryp tanyspaǵanyn, biraq bul jaıly habary bar ekenin ashyp aıtty.
«Árıne, ákim retinde men osyndaı barlyq qaıǵyly oqıǵalarǵa jaýaptymyn. Qazir bolǵan jaıtqa qatysty tergeý-tekserý amaldary júrip jatyr. Eger ákimdikke qarasty kompanııanyń kinási dáleldense, árıne tıisti sharany qoldanamyz. О́te ókinishti, qaıǵyly jaǵdaı. Qylmystyq is sotqa jetkennen keıin jaǵdaıdy baqylap, zań aıasynda shara qabyldanady. Balaǵa tıisti kómek kórsetemiz. Árıne mundaı jaǵdaı qaıtalanbaýy tıis», dep jaýap berdi Ǵalı Esqalıev.
Eske sala ketsek, 25 mamyrda Batys Qazaqstan oblysynda balany tok soqty. Oqıǵa saldarynan bala eki qolynan aıyryldy.
О́ńirlik tótenshe jaǵdaı departamenti túsindirgendeı, 4 bala oınap júrip, kishi stansııanyń qorshalǵan jabyq aýmaǵyna kirgen. Sol kezde 5 jasar ul balany tok soqqan.