О́ndiriske kásibı kadrlar qajet

Eń áýeli Aqparattyq tehnologııalar kolledjinde jergilikti kásiporyndardyń basshylary jáne kolledj dırektorlarynyń qatysýymen «О́ndiriske arnal­ǵan kadrlar. Usynys pen sura­nys» atty dóńgelek ústel uıym­das­tyryldy.

Jıynda oblys ákimi Ábil­qaıyr Sqaqov óńirdegi eńbek na­ry­ǵyna qajetti mamandardy daıar­laý boıynsha júrgizilip jat­qan jumys týraly aıtyp ber­di. Sońǵy eki jyl ishinde teh­nıkalyq jáne kásibı bilim berý júıesin qarjylandyrý 25 mln teńgeden 0,5 mlrd teńgege deıin ósken. «Dýaldy oqytý bo­­ıynsha qoldaý kórsetetin iri kásiporyndardyń demeýshilik kó­megi de asa mańyzdy. Biz bul ju­mysqa orta jáne shaǵyn bıznes ókilderin de tartyp otyrmyz», dedi Á.Sqaqov.

A.Aımaǵambetov Pavlodar oblysynda óndiris jaqsy damy­ǵanyn, kóptegen iri kásiporyn tirkelgenin aıta kele, kásibı bilim berý baǵytyndaǵy jumysty jandandyrýdy eske saldy.

– Búginde kolledj basshylary jumys berýshilermen birlesip, bilim berý baǵdarlamalarynyń mazmunyn derbes aıqyndaýǵa kiristi. Bul sharalar óndiristegi teh­nologııalyq ózgeristerge jáne eńbek naryǵynyń suranys­ta­ryna beıimdelýge múmkindik beredi. Sáıkesinshe, tehnıkalyq jáne kásiptik bilim berý júıe­si jumys berýshilerdiń talaptaryna saı keletin mamandardy daıarlaıtyn bolady, – dedi A.Aımaǵambetov.

Budan keıin Aqparattyq tehnologııalar kolledjiniń dırektory Serik Jartybaev bilim or­dasyndaǵy jańǵyrtylǵan oqý kabınetteri, 3-D modeldeý, robot jáne elektr tehnı­ka­sy, je­lilik ákimshileý, grafı­ka­lyq jáne veb-dızaın zerthana­la­ry­nyń ashylýy týraly aıtyp berdi.

– Kolledjde ashylǵan bıznes-ınkýbatorda júzden asa tabysty startap jobalar qurastyryldy. Biz Microsoft jáne Festo sııaqty halyqaralyq kompanııalarmen, It-hub akademııasymen jáne Skol­kovo ǵylym jáne tehnologııalar ınstıtýtymen áriptestik ornattyq, – dedi S.Jartybaev.

Oblys ákimdiginiń qoldaýy­men IT-kolledj bazasynda óńir­lik «Tandau» onlaın-platformasy qurylǵanyn atap ótken jón. On tórt jasqa tolǵan kez kel­gen turǵyn platformada tir­kelip, óziniń biliktiligine qa­raı jumys taba alady. Jumys be­rýshiler jańa júıeniń kóme­gimen ózderine qajetti qyzmetkerlerge tapsyrys berip, jumyskerlerdi qaıta daıarlaýǵa ótinish qaldy­rady.

Aıtpaqshy, IT bilim berý júıe­sin damytý Toraıǵyrov ýnı­ver­sıtetinde de qolǵa alyn­ǵan. Ondaǵy IT-mektepke kez kelgen adam jazylyp, qysqa merzimdi baǵ­darlamalaý kýrstarynan óte alady. Sondaı-aq ýnıversıtette bilikti IT-mamandardy daıarlaýdy maqsat etken Computer Science fakýlteti ashylǵan. «Memleket basshysy Qazaqstan halqyna Jol­daýynda júz myńnan kem emes IT-mamandy daıarlaý týraly tapsyrma bergen edi. Jaqyn arada óńirde osy salada suranysqa ıe

5 myń maman ázirleý josparda bar», dedi oblys ákimi Á.Sqaqov.

Pavlodar oblysy