• RUB:
    6.68
  • USD:
    520.93
  • EUR:
    609.07
Basty saıtqa ótý
Fýtbol 21 Maýsym, 2022

«Astana» kósh bastady

155 ret
kórsetildi

Fýtboldan el birinshiligi araǵa aı salyp qaıta jalǵasty. Ekinshi aına­lymdaǵy 14-týr oıyndarynan keıin týrnır kestesinde aýyz toltyryp aıtar­lyqtaı ózgeris bola qoıǵan joq.

Qazaqstan chempıonatynyń alty dúrkin jeńimpazy «Astana» bul týrda Pavlodardyń «Aqsý» komandasyn qabyldap, 5:0 esebimen birinshilik debıýtantynyń tas-talqanyn shyǵardy. Mańyzdy úsh upaıyna qol jetkizgen elorda klýby 24 upaımen týrnır kestesinde qaıta top basyna shyqty. Al buǵan deıin úzdikter kóshin bastap turǵan Aqtaýdyń «Kaspııi» syrt alańda Qostanaıdyń «Toby­lynan» jeńilip (1:0), ekinshi orynǵa syrǵydy. О́z jankúıerleriniń aldynda jeńiske jetken «Tobyl» 21 upaımen tórtinshi orynǵa kóterildi.

Sondaı-aq bıylǵy chempıonatta táýir nátıje kórsetip kele jatqan «Taraz» syrt alańda «Ordabasydan» jeńilip qaldy. Asa tartysty ótken ońtústik derbıinde bes gol soǵylyp, shymkenttik komanda 3:2 ese­bimen basym tústi. Birinshi aınalymda súreń­siz oıyn ótkizip, týrnır kestesinde jaǵdaıyn qıyndatyp alǵan «Qaırat» bul týrda «Maqtaaraldy» 1:0 esebimen jeńdi. Sonymen qatar 14-týrda «Aqtóbe» syrt alańda «Atyraýdy» (2:0), «Qyzyljar» Qaraǵandyda «Shahterdi» (2:1) utty. Al Túrkis­tandaǵy «Turan» men «Aqjaıyq» matchy 1:1 esebimen teń aıaqtaldy.