Jańa oqý jylynda Almaty qalasynyń 1-4 synyp oqýshylary tegin ystyq tamaqpen qamtylady. Bul týraly Oqý-aǵartý vıse-mınıstri Ǵanı Beısembaev aıtty, dep habarlaıdy Egemen.kz.
«Balalar jylynda» bastaýysh synyp oqýshylaryn tegin ystyq tamaqpen qamtý 10 paıyzǵa ósti. Bul baǵytta Nur-Sultan, Shymkent qalalary, Atyraý, Batys Qazaqstan, Qaraǵandy, Pavlodar oblystarynyń jumysyn ataýǵa bolady. Jańa oqý jylynan bastap Almaty qalasy da 1-4 synyp oqýshylaryn tegin ystyq tamaqpen qamtýdy josparlap otyr», dedi Ǵanı Beısembaev mınıstrliktiń apparat jınalysynda.
Vıse-mınıstrdiń aıtýynsha, «Oqýǵa qushtar mektebi» respýblıkalyq jobasy aıasynda balalar arasynda oqyrmandar qozǵalysy jandandyryldy. Mektep kitaphanalarynyń kitap qory 2,2 mıllıon dana jańa kórkem, balalar ádebıetimen jańartyldy.
Sondaı-aq balalardyń quqyqtaryn qorǵaý salasyndaǵy volonterlik qozǵalysqa serpin berildi. Úıde oqıtyn balalarǵa kómek kórsetýge 63 myńnan astam eriktiler qatysty.
«5-11 synyptarda jańa oqý jylynan bastap azamattyqty, adaldyqty, parasattylyqty, etıkany, medıasaýattylyqty, qarjylyq saýattylyqty qamtıtyn «Patrıotızm jáne jahandyq quzyretter» kýrsy engiziledi», dedi vıse-mınıstr.