Bolashaqqa batyl qadam

Memleket basshysy jańa qury­lym ja­ıynda alǵash ret naýryzdaǵy Joldaýyn­da málimdegen bolatyn. Ulttyq quryl­taı ne úshin quryldy? Ulttyq quryltaı qoǵamnyń birigýin nyǵaıtý jáne keńeıtýge ıdeıalar men qadamdar izdeý ári ázirleý úshin dıalog platformasyna aınalýdy maqsat tutady. Buryn Ulttyq qoǵamdyq senim keńesinde áleýmettik-ekonomıkalyq máseleler tóńireginde pikirtalastar bolsa, Ulttyq quryltaı kóteretin problemalar negizinen jalpyulttyq qundylyq­tar arqyly qoǵamnyń birigýin arttyrý bolmaq. Úsh jyl jumys istegen Ulttyq qoǵamdyq senim keńesi óz mindetin abyroımen atqardy. Qordalanǵan máseleler joǵary minberden aıtylyp, áleýmettik máselelerdiń keı bóligi sheshildi. Endi osy keńeske múshe bolǵandardyń birazy Ulttyq quryltaıdyń quramyna endi.

Tarıhqa kóz salyp, ǵasyrlar qoınaýyna sheginis jasaıtyn bolsaq, quryltaı ejelgi dáýirden bastap el men halyq máselesin sheshýde úlken ról atqarǵan. Onda, negizinen, uly han saılaý, jerge ıelik etý jáne áskerbasy taǵaıyndaý máseleleri sheshildi. HV-HVIII ǵasyrlarda túrki memleketterinde, sonyń ishinde Qazaq handyǵynda asa mańyzdy máselelerdi sheshý úshin Quryltaı shaqyrylǵan. Oǵan Qaraqumdaǵy halyq quryltaıy, Ordabasy quryltaıy sııaqty tarıhı derekter aıǵaq bola alady. HH ǵasyrda bizdiń elimizben birge Túrikmenstan, О́zbekstan, Tájikstan sekildi Ortalyq Azııa elderinde bılik­tiń joǵary organy – Quryltaı boldy. Qazir­gi zamanda Quryltaı – partııalardyń, qozǵalystardyń, taǵy da basqa ózge de qoǵamdyq birlestikterdiń asa mańyzdy máselelerge baılanysty basqosý jıylysy bolyp tabylady.

Saıası reformalarǵa belsene kirisip, tıisti reformalardy júrgizip otyr­ǵan Memleket basshysynyń batyl qadam­daryn qoldaıtyn el-jurty birlik-yn­tymaq, aýyzbirshilik pen ózara senim­di yq­paldastyq arqyly barlyq qıyn­dyq­ty eńserip, Jańa Qazaqstannyń jańarǵan kelbetin qalyptastyrýǵa atsalysatyn bolady.

Muhtar TÁŃIRBERGENOV,

«Aýyl» HDP partııasynyń Jetisaı aýdandyq aýmaqtyq partııa uıymynyń tóraǵasy