Álemniń 33-raketkasy qazaqstandyq Iýlııa Pýtınseva Ulybrıtanııanyń Istborn qalasynda ótip jatqan WTA 500 týrnıriniń úshinshi aınalymyna shyqty.
Jarysty ekinshi aınalymnan bastaǵan Pýtınseva álemniń 40-raketkasy ıspanııalyq Sara Sorrıbes-Tormomen sheberlik baıqasyp, tartysty ótken birinshi partııada Iýlııa 7:5 esebimen basym tústi. Ekinshi sette de otandasymyz qarsylasyna esh múmkindik qaldyrmaı, 6:1 nátıjesimen jeńiske jetti. Pýtınseva shırek fınalǵa shyǵý úshin álemniń 5-raketkasy grekııalyq Marııa Sakkarı nemese dúnıejúzilik reıtıngte 36-orynda turǵan ýkraınalyq Angelına Kalınınanyń bireýimen talasady.
Sondaı-aq Qazaqstannyń birinshi, álemniń 21-raketkasy Elena Rybakına osy týrnırdiń ekinshi aınalymynda reıtıngte 114-satydaǵy ýkraınalyq Lesıa Sýrenkomen kezdesedi. Al erler arasyndaǵy elimizdiń birinshi raketkasy Aleksandr Býblık Istborn ATR 250 týrnıriniń ekinshi aınalymynda álemniń 86-raketkasy, Astana Open 2020 jarysynyń chempıony aýstralııalyq Djon Mıllmanmen sheberlik baıqasady. Býblık birinshi kezeńde amerıkalyq Frensıs Tıafodan úsh sette basym tústi – 7:5, 7:6 (7:4), 6:0.