Sport seksııalary men shyǵarmashylyq úıirmeleriniń baǵasy qaıta qarastyrylady. Bul týraly QR Mádenıet jáne sport mınıstri Dáýren Abaev aıtty, dep habarlaıdy Egemen.kz.
«Birinshi – sport seksııalary men shyǵarmashylyq úıirmeleriniń baǵasyn qaıta qarastyramyz. Bul qadam baǵdarlamanyń aýqymyn keńeıtedi. Ekinshi – memlekettik sporttyq, shyǵarmashylyq jáne qosymsha bilim alý tapsyrystarynyń aıasynda sport seksııalary men shyǵarmashylyq úıirmelerine bir ǵana ótinish berý qaǵıdasyn engizý», dedi Dáýren Abaev Ortalyq kommýnıkasııalar qyzmetindegi baspasóz máslıhatynda.
Onyń atap ótýinshe, qazir bir bala mekteptegi seksııaǵa, «artsport» boıynsha seksııaǵa jáne shyǵarmashylyq úıirmege barýy múmkin.
«Kópshilikti qamtý maqsatynda biz tek bir seksııany ǵana usynamyz», dedi mınıstr.
Aıana Toǵanbek