Keshe Venesýelanyń Mıranda shtatynda «Learjet» markaly shaǵyn ushaǵy apatqa ushyrap, alty adam qaza tapty, dep habarlaıdy Egemen.kz TASS-qa silteme jasap.
Jergilikti ýaqyt boıynsha saǵat 15:37-de (Nur-Sultan ýaqytymen 01:37) ushaq ormanda qulady. Izdeý jáne qutqarý qyzmeti ushaqta bolǵan barlyq ekıpajdyń qaıtys bolǵanyn habarlady.
Qaıtys bolǵandardyń ishinde «Estýdıantes de Merıd» fýtbol klýbynyń prezıdenti Krıstıan Tonı boldy. Venesýela fýtbol federasııasy qaıǵyly jaǵdaıǵa baılanysty kóńil aıtty.
Apattyń sebepteri anyqtalyp jatyr.
Aıana Toǵanbek