Qazaqstannyń Syrtqy ister mınıstrligi Aýǵanstandaǵy jer silkinisinen qaza tapqandar men zardap shekkenderdiń otbasyna kóńil aıtty, dep habarlaıdy Egemen.kz.
«Aýǵanstannyń shyǵysyndaǵy joıqyn jer silkinisinen kóptegen adam qaza bolýyna baılanysty aýǵan halqynyń qaıǵysyna ortaqpyz. Qazaqstan halqy men basshylyǵy atynan osy apattan qaza tapqandar men zardap shekkenderdiń otbasyna shyn júrekten kóńil aıtamyz. Tezirek saýyǵyp, qalypty ómirge oralýdy tileımiz», delingen vedomstvo habarlamasynda.
Eske salaıyq, sársenbide Aýǵanstanda magnıtýdasy 5,9-6,1 ball jer silkinisi boldy. Oqıǵa Pákistanmen shekaralas ońtústik-shyǵys Host qalasynan 44 shaqyrym jerde bolǵan.