Senat tóraǵasy Máýlen Áshimbaev qyzdyrylatyn temeki ónimderine aksızderdi engizý máselesine qatysty pikir bildirdi, dep habarlaıdy Egemen.kz.
«Bul máselede josyqsyz kásipkerlerdiń qyzdyrylatyn temeki ónimderin kontrabandalyq jolmen ákelýiniń aldyn alý asa mańyzdy. Áıtpese, Ulttyq ekonomıka mınıstrligi usynǵan is-sharalar nátıje bermeıdi. Sondyqtan aksızderdi kóterý saıasatymen qatar kontrabandaǵa qarsy kúres boıynsha qatań sharalar da qolǵa alynýy kerek», dedi Máýlen Áshimbaev Senattyń jalpy otyrysynda.
Onyń aıtýynsha, naqty nátıjege qol jetkizý úshin aksızderdi arttyryp qana qoımaı, kontrabandamen de tıimdi kúresý qajet.
Aıana Toǵanbek